VOV4.K’ho – Mho òr 14/6, tàm Hìu duh broă Gơnoar atbồ lơgar, ồng Vương Đình Huệ kuang geh jơng Gah Gùng dră bal dà lơgar, Kuang jat jơng gơs gơnăp gơnoar atbồ hơđang rlau jơh dà lơgar neh wa\ rò mpồl cau jàm kờn gơboh dà lơgar lài do càr Quảng Nam.

Ồng Vương Đình Huệ pà gi\t, mờ bơhiàn hùc dà kah tô dà, Đảng, Dà lơgar neh sùm sền gròi dong kờl mờ lam lơh ală broă lơh kis gi\t jơnau gi\t adat. Uă gùng dà broă lơh neh geh lơh bè dong kờl dùl dơ\, dong kờl pah nhai, kham sơm kòp lơh pràn wơl să jan, ală gùng dà broă lơh dong kờl ai lài bè ai càn priă jền, bơto broă lơh, ai broă lơh…ai cau geh màng mờ dà lơgar in. Bè jơnau đơs tă pơgồp bơh mpồl cau jàm kờn gơboh dà lơgar lài do dê tàm broă sền gàr tiah ơm kis, ồng Vương Đình Huệ pà gi\t, Kơrnoat bơh Đảng dê kung đơs tus gùng dà broă lơh ờ ơn pơdơng tiah ơm kis nàng bơtàu tơnguh lơh sa, mờ pal geh lơh bal broă sền gàr tiah ơm kis tàm tơl rơndăp broă lơh. Dơ\ broă ka chơ\t pa do neh lơh aniai tus bơta bơtàu tơnguh lơh sa- mpồl bơtiàn tus ală càr tàm tiah đah tàm gùl lơgar dê, Gơnoar atbồ lơgar neh geh bơta dong kờl tềng đap mat mờ geh broă lơh bơsong jo\ jòng nàng kờn sền gàr broă lơh sa mờ ơm kis ai làng bol in.

Cau cih mờ yal tơngi\t- Lơ Mu K’ Yến