VOV4.K’ho - Mut lơh broa\ lơh tam tìp mờ làng bol te\ khà tơnơ\  dơ\ pơrjum  dơ\ dùl, Gơnoar ala mat dà lơgar kơna\ 14, ngai òr (03/08),  ồng Vương Đình Huệ kuang geh jơng gah gùng dra\ bal dà lơgar,  mờ la kuang jat jơng gơs gơnap gơnoar atbồ hờđang rlau jơh dà lơgar neh bal mờ mpồl kuang bàng Gơnoar ala mat dà lơgar càr Hà Tĩnh neh geh bùi tam tìp mờ cau te\ khà tàm kơnhoàl Kỳ Anh mờ [òn dờng Hà Tĩnh. Tàm bùi tam tìp, ồng Vương Đình Huệ neh cih dờp ala\ jơnau kờ` đơs bơh cau te\ khà. Bơsong ala\ bơta gam ờ jơh git bơh cau te\ khà geh gơ rềng tus bơta dà lềng gơbàn bơ\ bơh Formosa lơh aniai. Ồng Vương Đình Huệ ai git: Tu\ do,  Gah phan geh is mờ tiah kis dà lơgar gam sền wơl, sền dơ\ lồi dut kờ` geh yal dà lềng ờ do ờ da\ tus cau lơh ka. Gơnoar atbồ lơgar kung geh mhar yal broa\ lơh tơl làm bè dong kờl,  tơm wơl làng bol in kờ` geh lơh niam wơl lơh sa. Kờ` bal mờ ala\ jơnau đơs bơh cau te\ khà tềng ala\ gơbàn kal ke rềp do tàm dà lềng mat tơngai lik, ồng Vương Đình Huệ đơs tờm: Đảng, Dà lơgar lơh ngan ntàu tam  dra\ mờ ala\ broa\ lơh di pal, sền gàr kơljap ngap lơngai, gơnoar tờm tơl làm ù tiah dà lơgar mờ gàr geh ngap lơngai, niam, ờ do ờ da\ nàng bơtàu tơngguh dà lơgar.

          Cau cih mờ yal tơnggit K’ Brọp