VOV4.K’ho- Tàm 2 ngai, 15 mờ 16/8, Đảng bộ Đại học Dà lơgar Hà Nội bơyai lơh Pơrjum dờng cau ala măt dơ\ 6, tơngai lơh broă bơh nam 2020- 2025 bal mờ tơngume: “Tam gơl pa bơceh pa- Kơnòl dà lơgar- Bơtàu tơnguh kơ\ kơl jăp”. Giáo sư- Tiến sĩ ồng Vương Đình Huệ Ủy viên Bộ Chính trị, Bí thư Thành ủy Hà Nội đơs đơng lam Pơrjum dờng. Đơs đơng lam tàm pơrjum dờng, ồng Vương Đình Huệ sồr, tàm tơngai tus, tơl Chi bộ, Đảng bộ pal lơh niam broă lơh bơto bơtê chính trị, bồ tơngoh mờ sền do là bơta kơldìng nàng lam lơh jăt kơnòl broă bơ\t bơtàu Đảng pràn kơldang kơ\ kơl jăp tơl làm.

Bal mờ hơ\, Đại học Dà lơgar Hà Nội pal pơn jăt tai đòm jăt cồng nha neh lơh geh, mhar bơsong ală bơta ờ huan pràn jak, ờ hềt niam, gam gơkòl, lơh jăt niam gơnoar broă là mpồl cau tờm ai ală bơto bơtê đại học, hơđang đại học in mờ kơlôi sơnơng bơtàu tơnguh jak chài, công nghệ dà lơgar. Tàm pơrjum dờng, ală cau ala măt neh pồ geh Ban Chấp hành Đảng bộ Đại học Dà lơgar Hà Nội khoá 6 geh 25 nă oh mi mờ pồ mpồl cau ala măt lòt Pơrjum dờng cau ala măt dơ\ 17 Đảng bộ [òn dờng Hà Nội dê, tơngai lơh broă bơh nam 2020- 2025.

Cau mblàng Lơ Mu K’Yến