VOV4.K’ho - Di dơ\ sa tềp bơhiàn Ất Mùi 2015, Mpồl lơh broă bơh Mpồl đơng lam Đảng càr, Mpồl duh broă ala mat làng bol càr, Anih duh broă Gah tề lam gùng dră bal dà lơgar Việt Nam càr Dak Lak bơh ồng Y Dhăm Ê`uôl kuang jăt jơng atbồ Anih duh broă làng bol càr Dak Lak lơh Kuang atbồ mpồl, bal mờ kuang đơng lam atbồ ală gah sơnah lơh broă, mpồl cau, anih lơh broă bơh càr Dak Lak dê, lòt nting săp sa tềp mờ pà phan tàm kơnhoàl Ea Súp mờ bòn dờng Buôn Ma Thuột in. Ồng Y Dhăm Ê`uôl pơyua jơnau chờ hờp tus kuăng đơng lam bồ, kuang bàng, cau ling mờ cau pròc mhàm tờm dùl nam pa să ja` pràn kơldăng, ngăp lơngai chờ hờp mờ bơtàu tơnguh; tơlik nùs nhơm chờ hờp tềng đăp ală cồng nha mờ ală mpồl ling neh lơh geh tàm broă lơh geh nùs nhơm rcăng lài tam lơh mờ sền gàr pràn dà lơgar pràn kơldăng, dong kờl làng bol tàm tiah do tơn jơh jơgloh tơr mù rbah…mơkung kơ\p kờn kuang bàng, cau ling brồ guh niam bơhiàn, pơn jăt tai lơh gơs jak ngan kơ nòl broă geh jàu; ìa kơ\ tê phàu sền gàr kơ\ ù tiah nhàr lơgar bơh dà lơgar dê; jơh nùs tam klăc bal mờ gơnuar atbồ ală kơnă, lơh kơ\ kơl jăp bơta tam klăc đah ling klàng mờ làng bol, pơ gồp bơnah chồl pràn chul chồl lơh sa-mpồl bơtiàn bơh bòn lơgar dê ngai sơlơ bơtàu tơnguh.