VOV4.K’ho- Tềng đap ală bơta gơlik geh kal ke bơh kòp Covid-19, lơh jat srơh “Gùt làng bol sơm bat tê bal kơryan kòp Covid-19” mìng tàm 2,3 ngai do, đoàn viên ơruh pơnu càr Dak Lak neh lơh g^t nđờ rơbô nơm chèo glòm muh mat kơryan dà gơpra` mờ may g^t nđờ rơbô nơm chèu glòm muh mat bìai pà ală mpồl lơh broă rcang sơn dră kòp mờ làng bol in.

Lơh tàm 2 ngai rlô lồi poh, Chi đoàn văn phòng Tỉnh đoàn Dak Lak neh lơh geh 150 nơm chèu glòm muh mat pơ yoa pa ai ală mpồl cau gam lơh kơnòl broă tàm tiah ơm yah ngài tàm [òn dờng Buôn Ma Thuột in. Đoàn viên Nguyễn Thị Cẩm Nhung, pà g^t, mờ ală phan lơh [al hiă bè pang đù mica, ghim, băng keo 2 gah,… ală chèu glòm muh mat do buơn boài ngan, buơn ngui, ờ gơtìp jơngo mờ gơ kờn dà.

Mờ nùs nhơm bơh rơnàng kơnòm să dê den tơl nă cau geh pơgồp 1 ết dà kơl hề dềt rơ hền he dê nàng dong kơryan kòp Covid-19 den Chi đoàn Văn phòng Tỉnh đoàn sac rơ wah ală sơ gơn ndau kơryan dà gơpra` do. Kơ\p kờ` geh dong pơn jờng nùs nhơm ală oh mi gam lơh broă tàm tiah lam lài rcang sơn dră kòp, dong sơm bat tê bal kơryan kòp Covid-19 do.

 Ală đoàn viên ơruh pơnu lơh tàm ngai rlô nàng lơh chèu glòm muh mat kơryan dà gơpra`

Kung mờ broă lơh ndrờm bè do sơl, uă chi đoàn mờ đoàn kơnă hơ đơm tàm [òn dờng Buôn Ma Thuột neh hòi jà tă pơ gồp ală priă jền blơi phan lơh mờ hòi jà đoàn viên ơruh pơnu tam pà bal lơh chèo glòm muh mat kơryan dà gơpra` mờ may chèu glòm muh mat bìai. Bi Nguyễn Thị Lan Phương, ơm tàm sơnah [òn Tân Lợi, [òn dờng Buôn Ma Thuột đơs.

Mờ bơta kòp Covid-19 gam gơlik geh kal ke bè tu\ do den a` bal mờ ală gơ\p bơyô tàm chi đoàn bal mờ gơ\p lơh ală chèo glòm muh mat kơryan dà gơpra` nàng dong kờl ală cau gam lơh broă lam lài sơn dră kòp. Kơ\p kờ` mờ bơta dong kờl mờ dà kơl hề dềt rơ hền bơh bol a` dê den geh dong ală cau ling geh bơta pràn kơl dang rlau tai nàng bal mờ tơl nă cau sơr lèt gan kòp dờng do.

Lơh chèu glòm muh mat bìai geh in logo bơh Đoàn ơruh pơnu dê

Ală chèu glòm muh mat do tơnơ\ tu\ lơh gơs neh jun rê tàm Đoàn khối ală anih lơh broă mờ mpồl lơh sa kă bro càr Dak Lak dê nàng tam pà tus ală tiah, mpồl cau rcang sơn dră kòp in. Bi Phạm Minh Tuệ, Bí thư Đoàn khối ală anih lơh broă mờ mpồl lơh sa kă broă càr Dak Lak dê pà g^t, tàm 2 ngai  do, neh geh 2 rơbô nơm sơgơn ndau kơryan dà gơpra` geh lơh gơs mờ pơyoa pà ai ală Hìu sơnơm mờ tàm tiah ơm yah ngài tơr gùm bal in. Tu\ do, ală mpồl đoàn kung gam pơn jat tai lơh pràn broă lơh dong kờl is do nàng dong kờl làng bol, ngan là ală kơnòm bơsram tàm dơ\ pơr lòng jơh bơsram kấp pe in.

Pà chèu glòm muh mat ờ sa priă ai làng bol in

Đoàn Khối kung hòi jà đoàn viên ơruh pơnu lơh jat broă lơh 1 rơbô nơm chèu glòm muh mat ai ală kơnòm bơsram in tus bal tàm dơ\ pơr lòng jơh bơsram kấp pe nam 2020. Mờ Đoàn khối kung crơng gơs ală mpồl cau dong kờl is tă pơgồp, dong kờl ală phan ngui sa kờ` pal geh nàng pơyoa pà làng bol gơ tìp gơ rềng tài bơh kòp Covid-19 in.

Pà chèu glòm muh mat kơryan dà gơpra` mờ chèu glòm muh mat ai hìu sơnơm in

Ờ mìng tàm [òn  dờng Buôn Ma Thuột, ală huyện đoàn tàm càr Dak Lak kung lam lơh broă lơh di pal mờ geh ngan tàm kơnă hơ đơm, hòi jà priă jền lơh chèu glòm muh mat bìai mờ tă pơgồp phan ngui sa kờ` pal geh nàng dong kờl làng bol. Pơn rơ ngan bè Huyện đoàn Cư Mgar hòi jà geh rlau 7 rơbô nơm chèu glòm muh mat mờ priă mờr 15 tơlak đong, huyện đoàn Krông Bông rlau 2 rơbô nơm chèu glòm muh mat; Huyện đoàn Krông Buk rlau 1 rơbô nơm chèu glòm muh mat… Ală mpồl cau do geh pơgồp bơnah ngan ngồn tàm broă dong kờl làng bol mờ ală mpồl lơh broă lam lài bal mờ broă lơh ngan kơryan kòp Covid-19.

Cau cih H’Xíu H’ Mốc- Cau mblàng K’ Hạnh