VOV4.K’ho – Lồi nhai 3, nhai ơruh pơnu nam do, mpồl ơruh pơnu càr Daklak pơ gồp bal mờ Gah bơto bơtê mờ bơsram càr neh jàu, mut ai ngui broă lơh jồr dà snag kloh tàm hìu bơsram kai 3 Trần Hưng Đạo, ntum tiah sar lơgar ngài Cư Drăm, kơn hoàl Krông Bông, càr Daklak. Broă lơh do geh kuơ ngan tu\ ntum gam ờ tơl dà ngui sa uă ngan:

Hìu bơsram kai 3 Trần Hưng Đạo tàm [òn Cư Drăm, ngài mờ tiah tàm gùl ntum pơgap 2 kơi sồ. Rlau 70% kơ nòm bơsram tàm hìu bơsram là cau kòn cau, rài kis mờ broă bơsram sră gam uă kal ke. Oh Ngần Văn Thành, kòn cau Thái, kơ nòm bơsram ơdu\ 12A3 pà git, tài ngài mờ hìu bơsram rlau 10 kơi sồ den tang uă tu\ bơsram bơ tơl halà bơsram tàp pràn să jan tàm trồ mho, oh ơm wơl pal pơ gồp priă blơi dà hùc. Oh Thành đơs: “ Bol oh sùm cèng ală khàr dà dềt mờr gùl lít, ơn tàm kong tàp, cèng nàng hùc tu\ tơ hìr. Gơ wèt mờ ală bơ yô rềp hìu den gơtùi cèng dà, ai ală bơ yô hìu ngài, mờ khà sră pơ àr tàm kong tàp neh kơn jơ\ ngan, dilah cèng dà tai den là kal ke ngan.”

Nhai ơruh pơnu nam do, mpồl ơruh pơnu càr Daklak neh rơ wah hìu bơsram kai 3 Trần Hưng Đạo nàng mut lơh broă lơh ơruh pơnu kơnă càr. Mpồl neh pơ gồp bal mờ gah bơ to bơtê mờ bơsram càr, lam sồr tă pơ gồp tàm ală mpồl ơruh pơnu hìu bơsram, mut lơh mai\ jồr dà sàng kloh. Tơ nơ\ rlau 20 ngai mut lơh, broă lơh neh lơh gơs mờ geh jàu hìu bơsram in mut ngui di tơngkah 85 nam ngai crơng gơs mpồl ơruh pơnu. Bi Nguyễn Văn Đạt, kuang atbồ mpồl ơruh pơnu hìu bơsram kai 3 Trần Hưng Đạo pà git, broă lơh do geh kuơ ngan, ngan là tu\ tàm [òn ờ tơl dà ngui uă ngan. Bi đơs:“ Broă lơh do cèng bơta kuơ sơn rờp hơ\ là dong ală oh geh dà sàng kloh, gàr kloh niam nàng ngui pah ngai. Dơ\ 2 là bơto bơtê ală oh in git wă tàm broă bơsram mờ pơlam tàp, ai tơng go\ là hìu bơsram mờ mpồl bơtìan sùm sền gròi tus ală kơ nòm bơsram rơbah mờ ka ke tàm tiah sar lơgar ngài. Dơ\ 3 là kờ` mblàng yal tus làng bol tàm tiah sar lơgar ngài in git bơta chài ngui dà sàng kloh tàm rài kis pah ngai.”

Mờ priă bơcri mut lơh mờr 104 tơlak priă, broă lơh geh mai\ jồr, pràn lơh broă 0,25 khối dà tàm 1 jiơ, neh geh anih sền gròi kloh niam tiah kis Tây Nguyên sền sơ wì, gàr dà hùc tơl niam jat khà tơl bơh Gah lơh sơ nơm dà lơgar dê. Ồng Dương Kim Thạch, kuang atbồ hìu bơsram kai 3 Trần Hưng Đạo pà git, mờ broă lơh do, mờr 1 rbô nă kơ nòm bơsram mờ kuang bàng, cau lơh broă hìu bơsram dê geh dà hùc tơl niam, ờ duh pal tă pơ gồp priă nàng blơi dà hùc pah ngai. Rlau mờ hơ\, hìu bơsram ơm tàm [òn làng bol ơm kis, tàm bơta trồ prang soat dà bè tu\ do, hìu bơsram gơtùi tam pà dà sàng kloh nàng pơ gồp bơnah dong kờl ală hìu nhă làng bol gùt dar. Ồng đơs: “ Lài mờ tu\ geh broă lơh do den bol a` pal lam sồr jơh kuang bàng, cau lơh broă mờ kơ nòm bơsram tus bal tă pơ gồp priă nàng blơi tơl khàr dà nàng ơn  tàm ală cơldu\ bơsram, tu\ do geh broă lơh do den bol a` ờ huan kơ lôi tàm bơta do. Mờ bơta kuơ màng ngan rlau jơh là geh dà sàng kloh. Tu\ ngui broă lơh do den kơ nòm bơsram bal mờ bol a` geh rơndap broă ngui, sền gàr, lơh niam nàng gơtùi ngui jo\ jòng, drơng jơnau kờ` ngan ngồn. Tàm do kung gơ ơm tàm [òn làng bol ơm kis, tu\ làng bol ờ tơl dà den bol a` geh tam pà bal.”

Tây Nguyên gam tàm tơngai prang duh ngan, bơta ờ tơl dà gơlik geh uă ngan. Cau kơ nòm să càr Daklak neh rơ wah broă lơh ngan ngồn, dong kơ nòm bơsram tàm tiah sar lơgar ngài Cư Drăm, kơn hoàl Krông Bông, càr Daklak, lài do kung là pôs đồng kac màng geh tai dà kloh niam. Làng bol tàm [òn lơgar kung go\ iang nùs bè broă lơh geh kuơ do.

                                 Cau cih mờ yal tơngit K’ Duẩn.