VOV4.K’ho- Công ty Ồs đèng Dăk Lăk gam rcăng lam lơh ală broă lơh nàng ai tơl ồs đèng niam ờdo ờdă, mờ geh sùm ai dơ\ pơrlòng jơh bơsram kấp pe dà lơgar nam 2019 in. Ală gah lơh ồs đèng neh lòt sền gùng che đèng mờ ală trạm biến áp dong kờl ala, bơsong ală anih ờ niam tàm gùng che đèng digơlan gơtìp aniai; koh klah jơh ală ntê chi kềng gah gùng che đèng mờ ala ală phan bơna đèng ờ niam, bơsong ală anih tam tìp ờ niam, gàr niam gùng che đèng geh jun đèng niam ờdo ờdă.

Công ty Ồs đèng Dăk Lăk neh rcăng lài lơh broă mờ Sở Giáo dục mờ Đào tạo, ală Mpồl duh broă pơrlòng tàm ală tiah, sền swì jơnau kờ` ai đèng, lơh sră cih gùng dà broă lơh ai lài ai đèng nền cê ai 32 anih pơrlòng in. Mìng is anih ai tơlik jơnau pơrlòng mờ in pho to jơnau pơrlòng, ală anih neh geh broă rơndăp lơh ai đèng, ai măy pờ đèng rcăng lài tàm tiah hơ\ tơn nàng kờ` ai tơl đèng sùm ngai kung bè mang.

Ồs đèng Dăk Lăk hơ ai tơl ồs đèng tàm ală ngai geh lơh dơ\ pơrlòng jơh bơsram kấp pe dà lơgar nam do 

Tàm tơngai geh lơh dơ\ pơrlòng, ală anih ơm jơh ală broă lơh tàm gùng che đèng; mơkung sơlơ ai tai mpồl cau drơng sùm nàng bơsong jơnau ờ niam digơlan gơlik geh, lơh niam wơl đèng; rcăng tơl phan bơna, măy mok, rơndeh rơndồ, tam gơl gùng dà pờ đèng rcăng lài, sơrbac mhar ai wơl đèng ai ală anih pơrlòng in dilah gơlik geh jơnau aniai ờ niam.

Cau mblàng Lơ Mu K’Yến