VOV4.K’ho- Nàng kờ` ai tơl bơta ai cau apah hìu ơm in geh dờp priă đèng ngan ngồn jat Kơrnoat bơto pơlam sồ 23 bơh Bộ Công thương dê, Công ty Ồs đèng Dăk Lăk gam jơh nùs lam lơh broă lơh mblàng yal, lòt sền broă lơh jat priă tăc đèng gơ wèt mờ cau bơsram dờng, cau lơh broă apah hìu nàng ơm tàm càr.

Jat mờ hơ\, Công ty Ồs đèng Dăk Lăk neh jơh lơh sră nggal mờ jun geh 1.152 sră pơrgon blơi đèng drơng ai cau apah hìu ơm in mờ khà priă bơh 101 tus 200 kWh ai jơh ală khà đo was geh tàm công tơ. Nàng cau ngui đèng đơs bal mờ cau là kơnòm bơsram, cau bơsram dờng mờ cau lơh broă apah hìu ơm in đơs is gi\t bè gơnoar kuơ mờ kơnòl he dê jat Kơrnoat bơto pơlam sồ 23 bơh Bộ Công thương dê,Công ty pơgồp bal mờ Sở Công thương Dăk Lăk lam lơh ală dơ\ lòt sền, bơto pơlam nàng cau tờm hìu ai apah hìu ơm in lơh jat niam ală jơnau do.

Bal mờ hơ\, công ty neh pơgồp bal broă kờp sền, lòt sền mờ lùp nàng gi\t jơnau yal bè tă priă đèng bơh mpồl năc ngui đèng do dê tàm ală broă rơndăp lơh lòt sền ngui đèng, mblàng yal tềm pềr đèng mờ ală broă lơh ndai dipal.

Cau mblàng Lơ Mu K’Yến