VOV4.K’ho- Mho òr 16/5, tàm dơ\ pơrjum dơ\ 10, Ủy ban Thường vụ Quốc hội, tă pơgồp jơnau đơs bè Jơnau yal gròi sền broă bơsong jơnau lùp bơh cau te\ khà dê, ală kuang bàng sồr kờn pal gờn bơsong jơh jơnau lùp bơh cau te\ khà dê, tàm hơ\ pal sac rwah bàr pe Bộ, gah sơnah lơh broă dà lơgar nàng sền gròi broă hơ jơnau lùp bơh cau te\ khà dê. Jat jơnau yal, bơh rlau 2 rbô dơ\ tìp mat mờ cau te\ khà tàm dơ\ lài mờ tơnơ\ dơ\ pơrjum dơ\ 2, ală anih lơh broă bơh Quốc hội dê neh tơrgùm mờ jun tus anih lơh broă geh gơnoar in sền sơ wì, bơsong 3.320 jơnau lùp. Bulah jơh ală jơnau lùp bơh cau te\ khà dê neh geh ală anih lơh broă Quốc hội, Chính phủ mờ ală Bộ, gah sơnah lơh broă dà lơgar hơ, mơya geh ală sră nggal tơngume jơnau hơ gam ờ hềt di, ờ hềt wil tơl mờ jơnau lùp mờ cau te\ khà neh lùp, geh tu\ là hơ nàng gơ in jơh kơnòl lơm. Broă hơ jơnau lùp nàng pleh gam gơkòl, mờ ờ hềt sền gròi dipal tus broă bơsong, geh tu\ là geh jơnau cau te\ khà lùp jơnau do mơya Bộ den hơ wơl jơnau ndai. Den tàng bè hơ\, ală kuang bàng sồr kờn pal sac rwah bàr pe Bộ, gah sơnah lơh broă dà lơgar nàng lơh tơrlòng lài gròi sền tus geh broă hơ ală bơta mờ cau te\ khà lùp.

Cau cih mờ yal tơngi\t- Lơ Mu K’Yến