VOV4.K’ho- Mho ngai 21/7, ồng Vũ Đức Đam Phó Thủ tướng Chính phủ lòt sền mờ geh dơ\ lơh broă mờ kuang bàng đơng lam bồ càr Quảng Nam bè broă lơh ătbồ, sền gàr, lơh bơka niam wơl mờ ngui niam bơta kuơ phan lời wơl mờ broă lơh rcăng sơndră ồs sa bơrtoh phan lời wơl tiah drà yau Hội An.

Mpồl kuang bàng bơh Chính phủ dê lơh broă mờ càr Quảng Nam

Tàm dơ\ lơh broă, kuang bàng đơng lam bồ càr Quảng Nam pà gi\t, tài gơrềng bơh kòp Covid-19 dê, tàm nam do mờ ală nam pơn jăt tai priă lơh geh bơh tăc ve\ lòt còp nàng drơng broă bơka niam wơl mờ ngui niam bơta kuơ ală tiah tềl lời wơl tàm tiah drà yau Hội An là kal ke ngan. Càr Quảng Nam dan mờ Thủ tướng Chính phủ bơtơl tàm Kơrnoat krơi is mờ dong kờl càr in priă jền 270 tơmàn đong nàng lơh bàr pe rơndăp broă lơh bơka niam wơl, bơ\t mòn wơl tiah tềl lời wơl.

Đơs tàm dơ\ lơh broă, ồng Vũ Đức Đam Phó Thủ tướng Chính phủ sồr gơnoar ătbồ tiah do, anih lơh broă geh gơnoar bơh [òn dờng Hội An, càr Quảng Nam dê pal geh ală bơta tă pơgồp broă rơndăp lơh, dan loh làng bè broă lơh sền gàr phan lời wơl tiah drà yau Hội An nàng Chính phủ in geh bơta bơcri priă dipal.

Cau mblàng Lơ Mu K’Yến