VOV4.K’ho- Pơn jat tai pơrjum dơ\ 9, Quốc hội khoá 14, drim do ngai 18/6, Quốc hội pờ tê ring bal Adat tam gơl, bơtơl 2,3 bơta bơh Adat Ai ngui sră nggal pơlam lơh jat jơnau cih adat boh lam; Nghị quyết bè dờp mờ ai lơh jat kơrnoat boh lam bơh anih lơh broă bơsong jơnau tam pìt tam phà dê jăt tàm jơnau cih bơh Hiệp định sền gàr dong kờl bơcri priă Việt Nam - EU (EVIPA); cribơyai tàm hìu pơrjum bè rơndap lơh adat ơm kis (tam gơl); Bộ trưởng Kuang àng ồng Tô Lâm mblàng yal jơnau đơs bơh Kuang bàng Quốc hội dê.

Tam mho ngai òr, Quốc hội neh pờ tê ring bal Adat bơcri priă (tam gơl); Adat tam gơl, bơtơl 2,3 bơta bơh Adat bơt bơtàu; cribơyai tàm hìu pơrjum bè rơndap lơh Adat cau lơh broă Việt Nam lòt lơh broă tàm lơgar ndai jat sră hơ pơr gơn ( tam gơl). Tàm dơ\ cribơyai, uă kuang bàng đơs là, Adat pal geh tai jơnau cih sền gàr gơnoar kuơ di mờ kơrnoat boh lam ai cau lơh broă in. Ngan là pal bơtơl tai broă lơh sền gàr cau lơh broă là cau r[ah, làng bol kòn cau tu\ lòt lơh broă tàm lơgar ndai…

Cau mblàng K’ Hạnh