VOV4.K’ho-Geh bơta pràn nhơl chờ uă ngan mờ li la ngan, mơya tàm tơngai lài, càr Gia Lai kung gam hềt ngui geh cồng nha sơl nàng dong “gah lơh sa mờ măy mok ờ geh nhhu\ do” bơtàu tơnguh dùl bă ndrờm pal. Uă jơnau đơs đơs là, càr pal lơh uă mờ tơnguh rla tai bơta niam ală bơta broă, phan bơna nhơl chờ gơcèng bơta krơi is nàng kờ` lơh geh mat phan kă bro tàm nùs nhơm năc lòt nhơl dê.

Drơng broă ala nhơl chờ ờ geh bơta dùl ròt bal

Càr Gia Lai geh ù tiah brê bơnơm geh is dờng ơning ơnàng ngan bal mờ uă ngan liang, nhrùh dà, tơnau dà dờng mờ ală bă brê gam wơl bơh yau dờng ngan, chi che brê bơnơm phan kis uă mờ li la ngan. Bal mờ hơ\ là ală bơta kuơ niam chài gơcèng bềng rài kis niam chài is jơi bơtiàn dê bal mờ ală dơ\ lơh chờ, lơh yàng ờs mờng bơh yau; hìu đam [òn lơgar; ală yal yau, ù tiah niam chài cing mồng…Gia Lai gam geh rài lơh broă sa sươn sre bềng lìu ngan bal mờ ală phan lơh geh bơh sươn sre gưtùi pơgồp bal nàng bơtàu tơnguh broă nhơl chờ sươn dờng; là kơnhoàl ù tiah geh sền là “tiah tờm” bơh jơi kòn bơnus dê mờ geh tu\ tơngai kah yau bơh rài crơng mòn dà lơgar, bơ\t bơtàu mờ sền gàr dà lơgar bơh mò pàng dê. Jat jơnau đơs bơh Kuang atbồ Ală mpồl nhơl chờ càr Gia Lai dê là ồng Nguyễn Tấn Thành, den jơh ală bơta pràn do ndrờm gơtùi lơm nàng gơ gơs là phan bơna nhơl chờ krơi is bơh càr dê, geh bơta pràn tàm pơrlòng tàm drà kă bro tàm dơlam mờ bơdìh lơgar.

Khà gơguh nhơl chờ tơngai bơh nam 2013- 2018 bơh càr Gia Lai dê geh bơta tam gơl uă ngan bal mờ khà gơguh kờp bal bè khà năc geh 15%, priă lơh geh gơguh kờp bal 16% tàm dùl nam. Mìng is nam do, kờp jơh năc lòt nhơl tus càr Gia Lai neh sơrlèt rlau 435 rbô nă (gơguh 26,2% pơndrờm bal dùl tu\ mờ nam lài).

Mơya, ồng Nguyễn Tấn Thành đơs là, gah nhơl chờ càr dê ờ hềt geh bơta tam gơl dùl bă pràn kơldang, drà kă bro nhơl chờ ờ hềt duh hồl, khà bơtàu tơnguh ờ hềt uă; phan bơna nhơl chờ gam dềt, ờ hềt geh bơta dùl ròt bal. Ală phan bơna mờ drơng broă ala nhơl chờ tàm càr gam lơh [a ră [a rài, dềt rơhền, ờ hềt ngui jơh phan kuơ geh is neh geh lài. Bơta bơcri priă nàng lơh gơlik phan bơna nhơl chờ krơi is gam ơm tàm khà lơyah, ờ hềt tơl pràn lơh gơkờ`, gơhòi gơ jà mờ gơ hoài krơ\ jơng năc lòt nhơl.

Pơnyơu bè, broă bơ\t bơtàu broă nhơl chờ [òn lơgar tàm ală [òn làng bol kòn cau ờ hềt di ngan. Jơnau gơlơh bè lòt sền nàng gi\t bơh năc lòt nhơl dê mìng ơm wơl tàm broă lòt sền nàng gi\t broă bơ\t bơtàu hìu đam [òn lơgar, ală broă lơh ờs mờng bơh yau, sền dròng cing mồng…Rlau mờ hơ\, jơh ală anih lòt còp ndrờm ờ hềt geh drơng broă ala nhơl chờ lòt pơn jat bal gơrềng tus sàu sa, ơm rlô, rơndeh pơndiang, tăc phan lời kir sơnrai halà ală broă lơh nhơl chờ lơh rài bồ tơngoh, lòt sền nàng kờ` gi\t ndai nàng lơh geh tơl ală bơta ai jơh ală năc lòt nhơl in tàm tơl ală sơnam den ndrờm gơtùi tus bal, hơ\ là jơnau đơs bơh ồng Nguyễn Tấn Thành dê.

Lơh wơl dơ\ lơh yàng chờ hìu rông pa bơh cau Bahnar dê tàm càr Gia Lai

Pa do, Ban Tuyên giáo Tỉnh ủy Gia Lai neh bơyai lơh dùl dơ\ lùp mpồl bơtiàn gơrềng tus broă bơtàu tơnguh nhơl chờ tàm càr. Cồng nha lùp pà go\, bulah là càr geh bơta pràn nhơl chờ uă ngan mờ li la ngan mơya broă yal tơngi\t, ràng tơlik kung gam ờ hềt uă sơl. Tu\ do, càr ờ hềt geh tiah nhơl chờ lơi lơh geh ală drơng broă nhơl chờ, lơh rài bồ tơngoh, lòt còp ơm rlô pràn să,…tơl pràn ai năc lòt nhơl in ơm jồ jo\ ngai. Bàr pe tiah nhơl chờ tiơng pơnrơ, ală anih lơh broă nhơl chờ gam ờ tơl drơng broă ala lòt pơn jat bal mờ bơta niam drơng broă ờ hềt geh lơh niam. Bal mờ hơ\, broă bơto pơlam, yal tơngi\t mờ bơyai lơh ală dơ\ lòt nhơl bơh ală công ty lơh broă nhơl chờ dê ờ hềt uă, mpồl cau pơlam gùng ờ hềt mờng chài mờ mìng dùl êt nă ngan…

Pal lơh geh mat phan kă bro bơh anih tus dê

Jat tàm mblàng sền ngan ngồn, ồng Nguyễn Tấn Thành, Kuang atbồ Ală mpồl nhơl chờ càr Gia Lai dan mờ ală kấp, ală gah pal lơh gơs mat phan bơna nhơl chờ. Pal kờp sền, sền swì wơl bơta pơnrơ is, bơta [ươn, jơnau kờ` nàng geh bơta lơh lài tàm bơcri phan bơna nhơl chờ; pleh kơnoà ir mơya ờ geh wơl bơta pơnrơ, gơhòi gơ jà năc. Mơkung lơh sră cih mat ală phan kuơ geh is geh tơl bơta bơtàu tơnguh gơ gơs phan bơna nhơl chờ nàng yal tơngi\t, mblàng yal rùp hin, hòi jà bơcri priă, jà tăc phan bơna dùl bă làm uă.

Càr Gia Lai pal lơh tơn broă bơ\t bơtàu lơh gơs gơ wèt mờ ală phan bơna geh tơl bơta bơcri priă, bơh Dà lơgar atbồ, bè: ală tiah tềl lời wơl niam chài- nhơl chờ- bảo tàng; sền gàr mờ bơtàu tơnguh niam chài bơh yau tàm ală [òn nhơl chờ [òn lơgar; bơyai lơh ală dơ\ lơh chờ: Bơkàu blàng- bơnơm ồs Chư Đăng Ya, Đơs crih rbàng Huê cau Yoan tiah An Khê, Tam lơh pha lin Ngọc Hồi- Đống Đa, răc yàng Pơtau Apui tàm Phú Thiện, ngai chờ niam chài nhơl chờ, Festival Niam chài Cing mồng Tây Nguyên…Broă bơ\t bơtàu lơh gơs ală phan bơna do pal geh lơh niam, tơl pràn gơhòi gơ jà mờ lơh geh mat phan kă bro bơh anih tus dê tàm dơlam nùs năc lòt nhơl dê.

Mìng is ală rơndăp broă lơh geh lơh dờng bè Tiah nhơl chờ Biển Hồ- Chư Đăng Ya, tiah nhơl chờ brê bơnơm ơm rlô pràn să- tàp pràn să jan dòr prơng nho Glar, tiah nhơl chờ tơnau dà Ia Ly, ală liang, nhrùh dà mờ brê bơnơm Kbang…, càr Gia Lai pal geh rơndăp ù tiah nền cê lơh cơng tàng atbồ, hòi jà mờ lơh bơcri priă kung bè hơ pơrgon dong kờl dùl bơnah bè rơndăp tăp sèng phan bơna gùng lòt. Bơdìh hơ\ tai, pal hòi jà ală cau lơh sươn bè cau tam bơkàu, biăp, tiêu, kơphê, chi sa plai…ngui công nghệ cao bơcri tai phan bơna nàng lơh nhơl chờ. Broă bơ\t bơtàu mat phan kă bro ai ală phan bơna pơnrơ is tiah he dê kung là bơta niam ngan tàm ală tu\ lơh gơs phan bơna nhơl chờ krơi is bơh càr dê.

                 Pal lơh geh mờ tơnguh uă bơta niam phan bơna nhơl chờ gơcèng rài kis krơi is

Bơh lùp mpồl bơtiàn, Ban Tuyên giáo Tỉnh ủy Gia Lai kung sền go\, nàng gơhòi gơ jà năc lòt nhơl den lài ngan pal tơnguh bơta niam ală drơng broă ala, lơh geh bơta niam nùs lơh gơkờ` năc lòt nhơl tus mờ Gia Lai. Càr pal lam lơh dùl ròt bal ală broă lơh, bè: tơnguh uă broă bơto mpồl cau lơh broă ai gah nhơl chờ in; lơh bơka niam wơl ală tiah nhơl chờ tiơng pơnrơ, bơcri priă lơh wơl ală dơ\ lơh chờ ờs mờng bơh yau bơh [òn lơgar ală kòn cau dê, ngan là bơhìan niam chài cau Bahnar, cau Jrai dê.

Tơnguh uă bơta niam drơng broă ala mờ phan bơna drơng broă ala ờs mờng bơh yau; tơrgùm bơtàu tơnguh mờ yal tơngi\t ală phan bơna geh mat phan kă bro nàng kờ` drơng jơnau kờ` blơi phan bơh năc lòt nhơl dê, bè: phe, kơphê, tiêu, ce Bàu Cạn, puăc kơnrồ ìs dùl tơngai, dà su\t lơ we brê, cao mật nhân, tinh zờu bơ…pơgồp bal mờ gah broă lơh ờs mờng bơh yau; sơlơ bơtàu tơnguh nhơl chờ brê bơnơm lơh broă sa sươn sre kloh; tơnguh uă rlau tai bơta niam ală dơ\ lòt nhơl pơgồp bal mờ [òn lơgar mờ bơta niam chài…

Cau mblàng Lơ Mu K’Yến