VOV4.K’ho - Tàm dơ\ cri bơyai mho òr (22/11), pơgồp jơnau đơs tàm rơndăp broă adăt jàu phan lơh broă pa tam gơl, geh uă kuang bàng tàm Gơnoar ala măt dà lơgar ring bal broă pal sền kờ` g^t phan lơh broă tàm ală rơndăp broă bơcri priă, ală rơndăp broă di gơlan lơh gơbàn ờ niam tus mờ tiah kis. Ală kuang bàng ring bal tam gơl adăt, ai tơl^k tơngu me adăt boh lam sơlơ ngai sơlơ tơl, pơgồp bal tàm broă jàu phan lơh broă pa, phan lơh broă kloh, đềt mềr mờ tiah kis tàm lơgar Việt Nam. Mùl màl neh tơngo\, broă blơi phan lơh broă neh klar tàm gah lơh broă bè: sơmăng, tào sơdàng, phan lơh ồs đèng, lơh lòs, pơ-àr… ờ mìng lơh cồng nha tàm broă lơh sa lơgar he dê gơbàn ờ geh mờ gam lơh gơbàn [ơ\ tàm tiah kis uă ngan. Adăt pal geh ală broă sền gròi nền nòn, geh tu\ kơrian phan lơh broă neh klar ir mu\t tàm lơgar Việt Nam. Lồi [ùi lơh broă mho òr, Gơnoar ala măt dà lơgar neh pờ tê ring bal kơrnoăt bè broă ơm ing lơh rơndăp broă lơh hìu măy pờ tơl^k ồs đèng hạt nhân Ninh Thuận.

      Cau cih mờ yal tơng^t Ndong Brawl