VOV4.K’ho – Ngai òr (30/4), tàm hìu pơrjum dờng Thống Nhất, [òn dờng Hồ Chí Minh, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh wă mpồl kuang bàng ala măt dờng màng ală lơgar tus tơnkah 40 nam ngai tơnklàs đah jum, dà lơgar tơrgùm bal. Mpồl kuang bàng lơgar Lào geh ồng Bounnhang Volachit, kuang jăt jơng atbồ lơgar Lào lam bồ. Mpồl kuang bàng lơgar Campuchia geh mò Menáom On, kuang jăt jơng gơs gơnăp gơnoar atbồ hờ đang rơlao jơh dà lơgar Campuchia lam bồ. Mpồl kuang bàng lơgar Cuba geh ồng Jose Ramon Balaguer, kuang atbồ đah lơh broă bal mờ lơgar ndai dà lơgar Cuba lam bồ.

Ala măt Đảng, Dà lơgar bal mờ làng bol lơgar Việt Nam, ồng Nguyễn Tấn Dũng neh pơn jờng mờ đơs niam ală mpồl kuang bàng ala măt dờng lơgar Lào, lơgar Campuchia mờ lơgar Cuba neh tus chờ bal mờ làng bol lơgar Việt Nam tơnkah 40 nam tơnklàs đah jum, dà lơgar tơrgùm bal, cèng tus làng bol lơgar Việt Nam in nùs g^t gơ\p, lơh bơyô, tam klăc bal bơh kuang bàng đơng lam bal mờ làng bol lơgar Lào, lơgar Campuchia mờ lơgar Cuba.

Ồng Nguyễn Tấn Dũng mờ kuang lam bồ 3 lơgar Lào, Campuchia, Cuba ring bal geh bơ\t bơtàu sùm, tơnguh mờ tơnguh bơtàu broă lơh g^t gơ\p, lơh bơyô bal ờs mờng niam bơne\ mờ lơh broă bal tơl ală bơta bơh lơgar Việt Nam mờ lơgar Lào, lơgar Việt Nam mờ lơgar Campuchia, lơgar Việt Nam mờ lơgar Cuba tài bơta lơngăp lơngai, ring niam, tơnguh bơtàu tàm tiah do mờ tàm dunia.

Cau mblàng Ndong Brawl