VOV4.K’ho - Mho òr (4/8), Tàm Hìu  lơh broa\ Chủ tịch, Phó Chủ tịch lơgar mò  Đặng Thị Ngọc Thịnh neh wa\ kuang atbồ ala mat kes pria\ kơnòm dềt Liên hợp quốc tàm Việt Nam. Tàm bùi wa\,  mò Đặng Thị Ngọc Thịnh đơs tờm: Việt Nam sùm pơrgon pràn ngan mut lơh ala\ tơngguh me Công ước bè  gơnoar kơnòm dềt kung bè adat kơnòm dềt.

Tàm tơngai tus,  mò Đặng Thị Ngọc Thịnh sồr kes pria\ kơnòm dềt Liên hợp quốc pơnjat tai dong kờl Việt Nam tàm ua\ ngan broa\ lơh Việt Nam sền gròi, geh: Rcang sơndra\ aniai kơnòm dềt, sền gàr kơnòm dềt lik klàs sồt sa\, dong kờl kơnòm dềt  kis tàm hìu nha\ rbah, ngan la  kơnòm dềt kis tàm tiah sar lơgar ngài,  tiah nhàr lơgar, tiah bồt dà lô tô dà lềng, tơmù  khà kơnòm dềt kuet kơlte, kơnòm dềt gơbàn kòp nùs bơh  mè deh.

                            Cau cih mờ yal tơnggit K’  Brọp