VOV4.K’ho- Tàm Hà Nội, Bộ Công thương bơyai lơh jàu pà khà jờng “Nghệ nhân nhân dân”, “Nghệ nhân ưu tú” tàm gah trah mòn phan niam chài. Do là nam dơ\ 2 dơ\ jàu pà khà jờng geh lơh tàm tơngume rơndap broă bơtàu tơnguh drà kă bro tàm lơgar gơ jat bal mờ dơ\ lam sồr cau Việt Nam ngui lài phan Việt Nam tơngai bơh nam 2014 tus nam 2020 geh Thủ tướng Chính phủ ring bal. Phó Chủ tịch lơgar, mò Đặng Thị Ngọc Thịnh neh tus bal dơ\ bơyai lơh.

Tàm dơ\ bơyai lơh, Mpồl bơyai lơh neh jàu khà jờng “Nghệ nhân nhân dân” ai 4 nă cau dùl nă să, jàu pà cau neh sang rài in khà jờng “Nghệ nhân nhân dân” ai dùl nă cau in mờ pà khà jờng “Nghệ nhân ưu tú” ai 72 nă cau in. Ală nghệ nhân geh pà, cau neh sang rài geh pà khà jờng dơ\ do là ală nghệ nhân geh ua\ tă pơgồp, jơh nùs mờ broă lơh, geh bơta chài lơh broă kươmàng nàng broă bơceh mòn gơs ală phan trah mòn mờ tê geh bơta kươ lơh sa mờ niam chài ua\, cèng bơta niam chài rơ gơi bơh jo\ jơi bơtìan dê, pơn rơ gơguh jak ai broă lơh prap gàr, tơnguh bơta kuơ broă lơh trah mòn phan niam chài bơh ală tiah dê.

Cau mblàng K’Duẩn