VOV4.K’ho - Phó Chủ tịch lơgar mò Đặng Thị Ngọc Thịnh neh tus pơrjum dờng dơ\ prăm bè broă pơgồp bal lơh mờ ală broă bơ\t bơtàu nùs nhơm pin dờn tàm châu Á (gam sơnđan là CICA) geh bơyai lơh tàm càr lơgar Dushanbe, lơgar Tajikistan bơh ngai 14 tus ngai 15 nhai 6 mờ tơngu me “Tam pà nùs nhơm kơlôi sơnơng tài dùl tiah CICA lơngăp lơngai mờ pas gơs rơlao”.

Đơs tàm pơrjum, Phó Chủ tịch lơgar đơs là CICA pal tơnguh gơnoar là dùl mpồl cri bơyai, tam gơl bal mờ bơ\t bơtàu nùs nhơm pin dờn tàm châu Á; ai uă broă lơh jăt ală kơrnoăt tòm bơh adăt boh lam dunia mờ Hiến chương Liên Hợp quốc; dong kờl ală lơgar tàm mpồl sơndră mờ ală kal ke…

Pơrjum neh ring bal jơnau yal bơr Dushanbe mờ đơs tus mờ bơta kuơ màng bơh ring lơngai, lơngăp lơngai mờ tơnguh bơtàu kơl jăp geh ai bơh tàm ală kơrnoăt bal bơh adăt boh lam dunia mờ Hiến chương Liên Hợp quốc; mờ đơs CICA lơh ngan gơs cơ chế lơh broă bal uă lơgar geh gơnoar kuơ màng tàm broă chồl pràn cri bơyai, lơh broă bal tài bơta lơngăp lơngai, ring niam mờ tơnguh bơtàu tàm châu Á bơh broă kă bro ndrờm bal, pờ mpồng drà kă bro, tơnguh broă pơgồp bal, tìp bal bơta chài rơgơi, chồl pràn broă nhơl chờ, tơnguh bơtàu công nghệ ngui năng lượng geh lơh wơl mờ năng lượng kloh niam.

Cau mblàng Ndong Brawl