VOV4.K’ho- Ngai 17/3, Mpồl sền gròi, sền sơ wì broă tĕ khà bơh Ủy ban Thường vụ Quốc hội dê bơh ồng Đỗ Bá Tỵ, Phó Chủ tịch Quốc hội, Ủy viên Mpồl duh broă tĕ khà dà lơgar lơh kuang atbồ mpồl neh lòt sền broă lơh tĕ khà Kuang bàng Quốc hội khoá 15 mờ kuang bàng Hội đồng Nhân dân ală kấp tơngai lơh broă bơh nam 2021 tus nam 2026 tàm càr Thanh Hoá. Tàm dơ̆ tĕ khà kuang bàng Quốc hội khoá 15 mờ kuang bàng Hội đồng Nhân dân ală kấp tơngai lơh broă bơh nam 2021 tus nam 2026, càr Thanh Hoá geh tam pà pồ 14 nă kuang bàng Quốc hội, pồ 85 nă kuang bàng Hội đồng Nhân dân càr, 920 nă kuang bàng Hội đồng Nhân dân kấp kơnhoàl, 13 rbô 272 nă kuang bàng Hội đồng Nhân dân kấp xã.

Tus tŭ do, broă lam lơh tĕ khà kuang bàng Quốc hội khoá 15 mờ kuang bàng Hội đồng Nhân dân ală kấp tơngai lơh broă bơh nam 2021 tus nam 2026 tàm càr Thanh Hoá geh lơh di jơnau kờñ, jơnau sồr, gàr ală jơnau cih bơh adat boh lam dê bè tĕ khà, gàr tŭ tơngai ai tơlik. Broă lơh sền gàr lơngap lơngai, ờ do ờ dă gùt mpồl bơtiàn mờ lơh sơnm geh gàr niam.

Cau mblàng K’Duẩn