VOV4.K’ho- Pơn jat tai dơ\ lòt lơh broă tàm Tây Nguyên, mho òr 13/4, ồng Đỗ Bá Tỵ, Phó Chủ tịch Quốc hội neh geh dơ\ lơh broă mờ Ủy ban Nhân dân càr Daklak bè cồng nha wa\ rò làng bol, bơsong sră pơyua mờ bơsong jơnau lùp lăp, yal yă bơh làng bol dê. Jat jơnau yal bơh Ủy ban Nhân dân càr Daklak dê, nam lài, ală gah, ală kơnă bơh càr dê neh wa\ mờr 6.500 nă làng bol tus lùp lăp, yal yă, jơnau đơs, jơnau dan mờ 5.300 sră lùp lăp, yal yă, gơguh rlau uă dơ\ pơndrờm mờ nam lài hơ\. Tơngume lùp lăp, yal yă uă ngan là bè ù tiah, chế độ chính sách, ai ù lơh broă, tàm hơ\ geh 3.600 sră pơyua gơ wèt gơnoar bơsong bơh càr dê. Đơs tàm dơ\ lơh broă, ồng Đỗ Bá Tỵ sồr tàm tơngai tus, càr Daklak kờn pal pơgồp bal niam mờ ală bộ, gah lơh broă dà lơgar sền sơ wì, kờp sền, bơsong jơh ală dơ\ broă lùp lăp yal yă kal ke, gam geh jo\ jòng. Bơ\t bơtàu rơndăp tăp sèng lam lơh dipal mờ tơnguh jơnhoa cồng nha mpồl kuang bàng, công chức lơh broă tàm gah do nàng lơh niam broă wa\ làng bol, bơsong jơnau lùp lăp yal yă bơh làng bol dê.

Cau cih mờ yal tơngi\t- Lơ Mu K’ Yến