VOV4.K’ho – Mho òr, 19/12, mpồl lơh broă Cơldu\ kuang atbồ lơgar bơh Phó kuang atbồ lơgar Đặng Thị Ngọc Thịnh lam bồ neh tus còp mờ pà phan làng bol tiah dà ko\ dà cò lơh aniai càr Quảng Nam. Tơnơ\ mờ tu\ jòi git hoàc huơr bơh mìu dà ko\ dà cò lơh gơbàn tus mờ làng bol xã Điện Phương, thị xã Điện Bàn mờ xã Duy Vinh, kơnhoàl Duy Xuyên, mò Đặng Thị Ngọc Thịnh pơn jờng làng bol pơnjat tai gàr niam rài kis, bơtàu tơnguh wơl broă lơh sa; sồr kuang đơng lam bồ ală tiah pơnjat tai sền gròi tus rài kis làng bol tiah gơtìp dà ko\ dà cò lơh aniai, ba` lời làng bol jơgloh tài bơh mìu dà ko\ dà cò. Mò Đặng Thị Ngọc Thịnh neh pà 100 bơnah phan ai làng bol tiah gơtìp dà kò dà cò lơh aniai xã Điện Phương mờ 115 bơnah phan ai làng bol xã Duy Vinh in; pà kơnhoàl Duy Xuyên in 100 tơlak priă nàng dong kơnhoàl lơh wơl gùng lòt.