VOV4.K’ho- Dờp jơnau jà bơh Bộ trưởng Ngoại giao lơgar Saudi Arabi a ồng Faisal bin Farhan Al Saud, Chủ tịch Mpồl 20 rài lơh sa bơtàu tơnguh mờ pa pơn rơ lam lài G20 nam 2020, mang ngai 3/9, Phó Thủ tướng, Bộ trưởng Ngoại giao ồng Phạm Bình Minh neh tus bal pơrjum Bộ trưởng Ngoại giao pờ tơlik tơn tàm internet G20 mờ tơngume “ tơnguh broă lơh bal tiah nhàr lơgar”.

Đơs mờ ală Kuang đơng lam bồ tàm dơ\ pơrjum Bộ trưởng Ngoại giao G20 pờ tơlik tơn tàm internet, Phó Thủ tướng, Bộ Trưởng Ngoại giao ồng Phạm Bình Minh đơs nền, tam klăc bal, lơh broă bal, pơgồp bal gùt plai ù mờ tàm tiah do dê là kờ` pal geh ngan rlau jơh nàng dunia in sơr lèt gan dơ\ tung lơ tang kòp Covid-19.

Phó Thủ tướng, Bộ trưởng Ngoại giao đơs nền, Việt Nam tàm gơnoar broă là Chủ tịch ASEAN nam 2020 neh lơh jat niam nùs nhơm “tam klăc bal mờ rcang lài gơ dờp bal” pơgồp bal niam mờ ală lơgar lơh broă bal gàr niam ală broă lơh lơh broă bal, mơkung geh uă jơnau bơceh pa nàng tơnguh broă lơh bal tàm broă rcang sơn dră kòp, dong kờl làng bol, lơh niam wơl lơh sa.

Cau mblàng K’ Hạnh