VOV4.K’ho - Mho òr (02/7), tàm hìu lơh broă Chính phủ, Phó Thủ tướng, Bộ trưởng Ngoại giao ồng Phạm Bình Minh neh wă Phó Chủ tịch Ngân hàng tơnguh bơtàu châu Á (ADB) ồng Ahmed Saeed gam geh dơ\ còp mờ lơh broă tàm lơgar Việt Nam.

Tàm dơ\ wă, Phó Thủ tướng đơs, lơgar Việt Nam sền kuơ broă lơh bal mờ Ngân hàng tơnguh bơtàu châu Á, do là dùl tàm ală anih lơh sa kă bro dong kờl uă ngan tàm broă ai priă, dong kờl broă lơh mờ bơto pơlam.

Tus tu\ do, Ngân hàng tơnguh bơtàu châu Á neh dong kờl 173 broă lơh tàm dùl rơndăp broă mờ kờp jơh priă rơlao 16 tơmàn tơlăk đôlar Mỹ mờ ai lơgar Việt Nam in càn ờ tơm wơl kờp jơh priă càn rơlao 340 tơlăk đôlar Mỹ.

Tàm tơngai tus, Ngân hàng tơnguh bơtàu châu Á pơn jăt tai ai lơgar Việt Nam in bơta niam tàm broă geh càn priă sa priă cồng ờ uă ha là pơgồp bal bơh priă càn mờ priă dong kờl kờ` tơmù ờ uă ngan priă càn, gàr niam ờ do ờ dă dồs dà lơgar.

Cau mblàng Ndong Brawl