VOV4.K’ho- Drim ngai 10/11, tàm dơ\ pơrjum dờng màng Mpồl ASEAN dơ\ 37 mờ ală pơrjum geh gơ rềng, Pơrjum Bộ trưởng Ngoại giao ASEAN (AMM) neh geh bơyai lơh jat broă lơh pờ tơlik tơn tàm internet. Phó Thủ tướng, Bộ trưởng Ngoại giao, ồng Phạm Bình Minh đơng lam pơrjum.

Phó Thủ tướng, ồng Phạm Bình Minh đơs nền, tềng đap ua\ ngan bơta lòng tu\ do bè càl rbut dờng dà ko\ dà cò lơh aniai halà kòp dờng Covid-19, ală lơgar ASEAN kung gam pơn jat tai lơh ngan lơh broă bal, wèt tus broă lơh jat ală jơnau kờ` bal bè bơt bơtàu mpồl bơtìan ASEAN wèt sền nam 2025.

Tàm pơrjum, ală Bộ trưởng neh kờp sền broă lơh rơcang tus pơrjum dờng màng ASEAN dơ\ 37 mờ ală pơrjum geh gơ rềng, rơcang geh lơh bơh ngai 12 tus ngai 15/11 do. Ală lơgar đơs niam Việt Nam mờ gơnoar broă là Chủ tịch ASEAN nam 2020, neh geh ală broă rơcang lài jơh nùs, wil tơl ai ală broă kươmàng bơh ASEAN dê tàm nam 2020. Pơrjum neh ring bal mờ broă lơh, broă cribơyai mờ ală sră nggal kờp du\ yal ală Kuang đơng lam bồ in ring bal tàm ală pơrjum dờng màng.

Cau mblàng K’Duẩn