VOV4.K’ho- Drim ngai 10/11, Phó Thủ tướng, ồng Trịnh Đình Dũng, Kuang atbồ Mpồl đơng lam dà lơgar bè rơcang sơndră trồ tiah lơh aniai geh dơ\ pơrjum jal mhar sơndră mờ jơnau gơ lời wơl mìu dà ko\ dà cò bơh càl rbut dờng sồ 12 mờ sơndră mờ càl rbut dờng sồ 13 (geh mat sơnđan dunia là Vamco) gam wèt hờ dà lềng đah mat tơngai lik lơgar he.

Phó Thủ tướng sồr, ală tiah kong gơ rềng bơh càl rbut dờng pơn jat tai kờp sền ală [òn làng bol ơm kis kềng gah dà dờng, dà croh, đah đơm tơnau dà, bơ tơt dơng dà pơhìn gơlik geh dà ko\ dà cò, tơrlah ù; tiah thòng pơhìn gơlik geh ngơr bam jrô; bơyai lơh ntrờ` làng bol tus anih ờ do ờ dă, mơkung ai mpồl sền gròi, pơlam gùng lòt, ngan là lòt gan ală rbàng, tiah dà lìu, tiah ngơr bam jrô, dà hòr nhang, ală anih plung ơm, gùng gơtìp ngơr bam, neh mờ gam geh jơnau pơhìn gơlik geh tơrlah ù.

Đơs lài càl rbut dờng sồ 13 gơ rềng tơn tus tiah tàm gùl lơgar, đah jum tàm gùl lơgar tàm pơgap bơh ngai 14 tus ngai 15/11. Nàng rơcang lài sơndră mờ jơnau gơ lời wơl mìu dà ko\ dà tơ nơ\ càl rbut dờng sồ 12, càl rbut dờng sồ 13, Mpồl đơng lam dà lơgar bè rơcang sơndră trồ tiah lơh aniai sồr mpồl đơng lam rơcang sơndră trồ tiah lơh aniai mờ jòi dong kờl rềs àr ală càr, [òn dờng tiah tàm gùl lơgar, Tây Nguyên sồr lam lơh mơ broă sơndră càl rbut dờng mờ gàr niam ờ do ờ dă tiah đah đơm ală tơnau dơng dà.

Cau mblàng K’Duẩn