VOV4.K’ho--Ngai 30-8, Phó Thủ tướng Thường trực Chính phủ ồng Trương Hòa Bình tus chờ gờm dơ\ Chờ dờng Vu lan kah ưn ngài mè bèp tàm hìu yàng Phờk Vĩnh Nghiêm mờ Văn phòng 2- Gah jat yàng Phờk dà lơgar Việt Nam tàm [òn dờng Hồ Chí Minh.

Gờm chờ Tổ đình hìu yàng Phờk Vĩnh Nghiêm mờ Hoà thượng Thích Thiện Nhơn, Chủ tịch Hội đồng gah đơng lam yàng Phờk Việt Nam bal mờ ală hoà thượng tàm Gah jat yàng Phờk dà lơgar, Phó Thủ tướng ồng Trương Hòa Bình đơs ngan, Vu lan kah ưn ngài mè bèp là 1 tàm ală bơta kuơ dờng màng bơh gah jat yàng Phờk dê, di pal mờ bơta pin dờn duh khoai ồng pàng bơh jơi bơtìan Việt Nam dê. Phó Thủ tướng gờm chờ ală cau duh broă đơng lam yàng Phờk mờ làng bol jat yàng Phờk dùl kàl Vu lan hờn chờ, bềng lìu bơta kuơ. Mờ Phó Thủ tướng kung đơs nền tus kòp Covid-19 kung gam gơlik geh kal ke den gah jat yàng Phờk, ală hìu yàng Phờk mờ cau jat yàng Phờk pal gàr niam broă lơh rcang sơn dră kòp.

Cau mblàng K’ Hạnh