VOV4.K’ho- Drim òr (30/12), Bộ Y tế pơgồp bal mờ Văn phòng Chính phủ mờ Bộ Thông tin mờ Truyền thông bơyai lơh pơrjum tam gơl số gah lơh sơnơm Dà lơgar nam 2020.

Jăt jơnau yal, nam 2020, gah lơh sơnơm geh sền là gah geh uă bơta àng tàm broă tam gơl số. Tu\ do, 100% ală mpồl lơh broă gơwèt Bộ Y tế geh ai akhar k^ số mờ bơsong sră nggal điện tử, 100% sră nggal lơh jăt broă drơng ala dà lơgar pờ tơl^k tàm internet khà 4, tơrbo\ bal mờ anih yal tơng^t broă lơh drơng ala Dà lơgar dê; tơrbo\ mờ rơlao 1 rơbô 500 anih dong kờl kham, sơm kòp bơh ngài nàng tơnguh uă bơta ngăc ngar broă lơh ai y bác sĩ tàm ală tiah ngài in, làng bol geh tìp mờ broă lơh sonơm geh bơta niam uă tàm tiah ngài, lơh jăt broă kham sơm kòp điện tử.

Đơs tàm pơrjum, Phó Thủ tướng ồng Vũ Đức Đam đơs tờm: tam gơl số, ngui công nghệ thông tin mùl màl là phan geh cồng nha tàm broă kham, sơm kòp. Den tàng, gah lơh sơnơm pal geh kơlôi sơnơng mờ ai jơnau lơh niam wơl, bơtơl ală kơrnoăt bơh adăt boh lam, broă tơm priă lơh sơnơm mờ cơ chế priă priă jền nàng tam gơl số tàm gah lơh sơnơm geh cồng nha. Tơngu me bơh gah lơh sơnơm là sền gàr bơta pràn kơl dang să jan niam rơlao tàm bơta broă lơh sa lơgar he gam ờ pràn rơlao mờ ală lơgar.

Cau mblàng Ndong Brawl