VOV4.K’ho- Dờp jơnau jà bơh ồng Rex Tillerson, Ngoại trưởng Mỹ dê, ồng Phạm Bình Minh, Phó Thủ tướng mơkung là Bộ trưởng Bộ Ngoại giao lơgar Việt Nam dê neh lòt còp ngan ngồn lơgar Mỹ bơh ngai 20- 21/4. Ngai òr 20/4, ồng Phạm Bình Minh neh geh dơ\ cribơyai broă mờ ồng Rex Tillerson, Ngoại trưởng Mỹ mờ Kuang dong broă Mpồl duh broă bơta lơngăp lơngai dà lơgar Mỹ là ồng Herbert Raymond McMaster, tìp mat mờ ồng Steven Mnuchin, Bộ trưởng Tài chính Mỹ. Cribơyai bè ală broă tàm tiah do mờ tàm dunia, Ngoại trưởng Mỹ mờ Kuang dong broă Mpồl duh broă bơta lơngăp lơngai dà lơgar Mỹ dê ndrờm đơs ngan bơta kuơmàng bơh broă gàr ring lơngai, kơ\ kơl jăp, lơngăp lơngai ờdo ờdă mờ khat gơboh gùng dà tàm Dà lềng đah mat tơngai lik, kờn bal broă bơsong ală bơta tam pìt tam phà tàm Dà lềng đah mat tơngai lik bơh broă lơh ring lơngai, jat tàm ală broă lơh cribơyai broă mờ lơgar ndai mờ adat boh lam, jat tàm adat boh lam dunia dê, ngan là Công ước Liên hợp quốc bè Adat Dà lềng nam 1982, sền dờng màng Jơnau yal bơr bè broă lơh bơh ală gah dê tàm Dà lềng đah mat tơngai lik, wèt tus ală Bơta pal jat broă lơh tàm Dà lềng đah mat tơngai lik.

Cau cih mờ yal tơngi\t- Lơ Mu K’ Yến