VOV4.K’ho- Ngai 06/8, Phó Thủ tướng, Bộ trưởng Ngoại giao ồng Phạm Bình Minh neh cribơyai tàm điện thoại mờ Ngoại trưởng lơgar Mỹ ồng Mike Pompeo nàng cribơyai bè bơta g^t gơ\p đah Việt Nam mờ Mỹ di dơ\ tơngkah kir 25 nam crơng gơs bơta g^t gơ\p lơh broă bal 2 lơgar mờ ală broă tàm dunia, tàm tiah do sền gròi bal.

Tàm dơ\ cribơyai tàm điện thoại,  Phó Thủ tướng ồng Phạm Bình Minh đơs nền Việt Nam sền lơgar Mỹ là 1 tàm ală lơgar lơh broă bal kuơ màng lam lài; chờ hờp sền go\ bơta g^t gơ\p Việt Nam mờ Mỹ ngai sơlơ bơtàu tơnguh jrô ơnàng mờ geh ngan tàm jơh ală gah, bơh chính trị - lơh broă mờ lơgar ndai, lơh sa kă bro, sền gàr lơngap lơngai- sền gàr dà lơgar tus gah khoa học- công nghệ, tìp mat lơh kuèng làng bol, jờng rơ uă ală broă lơh lơh broă bal dong kờl kòn bơnus, bơsong jơnau gơ lời wơl tàm rài tam lơh, lơh kloh sơnơm khih diôxin, pơgồp bơnah kuơ màng lơh niam wơl bơta pin dờn đah 2 gah dê.

2 gah cribơyai ală gùng dà broă lơh nàng kờ` rcang sơn dră mờ kòp Covid-19, dong kờl làng bol 2 lơgar in gờ` rê wơl tàm lơgar tờm, pơgồp niam tàm broă lơh niam wơl mờ gàr niam ală anih lơh gơlik phan tàm tiah do dê mờ tàm gùt plai ù.

Cau mblàng K’ Hạnh