VOV4.K’ho – Drim òr 25/7, càr Thanh Hoá bơyai lơh jờng rơ cau geh màng mờ dà lơgar geh pơn rơ jak mờ ală mpồl bal, cau dùl nă să geh uă cồng nha tàm srơh kis git jơnau git adat bơh càr Thanh Hoá dê di tơngkah 70 nam ngai cau ling sồt să, cau ling chơt màng (27/7/1947 – 27/7/2017). Đơs tàm pơrjum, Phó Thủ tướng Phạm Bình Minh ala mat kuang đơng lam bồ Đảng, dà lơgar pơyua jơnau lùp còp, kah ưn ngài tus ală kuang đơng lam bồ dờng sơnam lơh broă kac màng, ală mè Việt Nam khin cha jak chài, cau ling khin cha jak chài làng bol, cau lơh broă khin cha jak chài, ală cau ling kòp tê jê să, cau tờm pròc mhàm cau ling chơt màng mờ ală hìu nhă geh màng mờ dà lơgar bơh càr Thanh Hoá dê.