VOV4.K’ho – Ngai òr, 13/1, Phó Thủ tướng Trịnh Đình Dũng bal mờ kuang đơng lam bồ ală gah, sơnah lơh broă dà lơgar neh tus còp mờ lơh broă tàm hìu mai\ Boxit Tân Rai mờ kơnhoàl Bảo Lâm, càr Lâm Đồng. Tus tu\ do, jơh ală bơnah broă lơh bơh rơndap broă dê neh lơh jơh, jàu mờ mut ngui geh 95% bơta pràn bơceh lơh. Nam lài, hìu mai\ Boxit Tân Rai lơh gơlik geh rlau 60 rbô tấn Alumin. Jơh ală Alumin lơh gơlik ndrờm tac hờ lơgar ndai, mờ khà priă rlau 300 đôlar Mỹ tàm dùl tấn. Jờng rơ ală cồng nha neh lơh geh, Phó Thủ tướng Trịnh Đình Dũng tơngkah Tập đoàn chah phan kuơ tàm ù Việt Nam, mpồl atbồ rơndap broă, Công ty trà Lâm Đồng, pơnjat tai lòt sền nàng geh bơta bơsong công nghệ dipal kờ` gàr niam rơndap broă lơh broă geh cồng nha; pal sền gròi tus broă sền gàr tiah kis; sền gròi bơto bơtê cau lơh broă geh pràn jak uă nàng drơng rơndap broă in. Di tu\ do, Phó thủ tướng neh lòt còp mpồl Đảng mờ làng bol xã Lộc Thắng, pà 25 bơnah phan sa tềp làng bol kòn cau mờ 5 hìu nhă công nhân hìu mai\ Alumin Tân Rai geh rài kis kal ke.

              Cau cih mờ yal tơnggit K’Duẩn