VOV4.K’ho – Drim òr, 9/3, tàm hìu lơh broă Chính phủ, Mpồl đơng lam dà lơgar tam dră kă bro pồn tă dia, blac pơr lồm kă bro mờ phan ờ ngan, hòi lơyah là mpồl đơng lam 389 dà lơgar bơyai lơh pơrjum tơn tàm internet gùt lơgar. Tàm pơrjum, Phó Thủ tướng Trương Hoà Bình cih dờp, đơs niam ală cồng nha lơh geh bơh ală gah, sơnah lơh broă dà lơgar, ală càr, [òn dờng, mpồl lơh broă geh gơnoar tàm broă tam dră kă bro pồn tă dia, blac pơr lồm kă bro mờ phan ờ ngan tàm nam lài. Khà broă gơlik geh mờ priă tă dia dà lơgar in bơh broă lơh glài tàm broă do ndrờm gơguh uă. Phó Thủ tướng đơs tờm, tàm tơngai tus, geh sơlơ tơnguh rlau tai kơrnuat lơh broă, rơcang sơndră ală tềl tơnggo\ ờ niam, sa kề sa kùa bơh kuang bàng, cau lơh broă sa priă nhai dà lơgar ală mpồl lơh broă geh gơnoar bơh dà lơgar tus [òn lơgar, krà` cê lơh glài ală cau lơh tìs, cau dong kờl broă kă bro pồn tă dia in. Phó Thủ tướng sồr kuang đơng lam bồ ală anih lơh broă pal song dơpă sền sơ wì ală bơta ờ niam tàm broă tam dră kă bro pồn tă dia, blac pơr lồm kă bro, tơrgùm bơsong ală jơnau lơh gơbàn bơta do.

            Cau cih mờ yal tơnggit K’Duẩn