VOV4.K’ho- Mho òr 19/1, tàm [òn dờng Nha Trang, Pho\ Thủ tướng Trương Hoà Bình lơh broă mờ càr Khánh Hoà bè broă lơh bơsong jơnau gơlời wơl tơnơ\ dơ\ gơbàn ồs sa tàm mang ngai 17/1. Pho\ Thủ tướng Trương Hoà Bình neh tus Ký túc xá cau bơsram dờng Cao đẳng lơh sơnơm Khánh Hoà là tiah 78 hìu làng bol gơtìp ồs sa gam ơm ing. Tàm do, ồng Trương Hoà Bình còp să, pơndờm pơnđiang làng bol sơrlèt gan bơta aniai gơtu\ gơtơl. Ồng pà tơl hìu làng bol in 1 bơnah phan mờ 2 tơlak priă. Tàm dơ\ lơh broă, ồng Trương Hoà Bình sồr càr Khánh Hoà kờn pal ai jơnau bơsram mờng chài tàm broă rơcang sơndră mờ crùh ồs sa, sơlơ ai tai phan ngui nàng kơlôi sơnơng broă lơh kờn pal lơh niam broă lơh rơcang sơndră ồs sa mờ crùh ồs sa gơ in dipal, sơlơ mblàng yal rơcang sơndră ồs sa bơrtoh tàm dơ\ sa tềp. Gơnoar atbồ tiah do tơrgùm sền gròi dong kờl ală hìu bơnhă gơtìp aniai bè ờs wơl rài kis mờ wa\ rò sơnam pa sa tềp.

Cau cih mờ yal tơng^t: Lơ Mu K’ Yến