VOV4.K’ho – Drim òr 12/2, tàm xã Giao Long, kơnhoàl Giao Thuỷ, càr Nam Định, Mpồl ơruh pơnu Cộng sản Hồ Chí Minh dà lơgar dê pơgồp bal mờ Ủy ban Nhân dân càr Nam Định bơyai lơh dơ\ lam lơh sa Tềp tam chi “Sùm sùm kah dà kơlhề Bác Hồ dê” Bồ nam pa Đinh Dậu 2017; lam lơh dơ\ pơrlòng uă chờ gờm Pơrjum dờng Đoàn ală kơnă wèt tus Pơrjum dờng Đoàn gùt lơgar dơ\ XI. Tơnơ\ dơ\ lam lơh tơn, Phó Thủ tướng Trương Hoà Bình neh bal mờ cau ala mat mờ 1500 nă đoàn viên ơruh pơnu, làng bol kơnhoàl Giao Thuỷ tus bal tam mờr 3500 tờm chi phi lao kơryan nsừc dà lềng tàm tiah gah dà lềng xã Giao Long. Di tàm dơ\ do, Phó Thủ tướng Trương Hoà Bình neh lòt còp bal mờ pà phan 2 nă Mè Việt Nam khin cha jak chài; jàu pà đèng pil, bùng bi Dà lơgar mờ phan ai 5 hìu bơnhă làng bol lơh ka geh ơhò lơh ka tàm dà lềng; pà 10 bơnah phan ai ală hìu bơnhă chính sách mờ cau kra ơm kis is dùl nă să ờ geh anih kơl dìng in mờ 15 bơnah phan ai ală kơnòm bơsram rơ[ah sơlèt gan kal ke bơh kơnhoàl Giao Thuỷ dê in, tơl bơnah phan pà kờp mờ priă là 1 tơlak 500 rơbô đong.

Cau cih mờ yal tơng^t- Lơ Mu K’ Yến