VOV4.K’ho- Drim òr 17/8, tàm hìu duh broă Chính phủ dê, ồng Vũ Đức Đam, Phó Thủ tướng Chính phủ neh geh dơ\ lơh broă mờ Kuang đơng lam bồ Bộ Giáo dục mờ Đào tạo, tàm hơ\ tơrgùm cribơyai ală gùng dà broă lơh tơnguh jơnhoa cồng nha bơto bơtê mpồl cau lơh pơgru tàm ală hìu bơsram lơh pơgru, sơlơ tơnguh tai tu\ tơngai niam geh broă lơh ai cau pơgru pa lik bơsram in.

Bộ Giáo dục mờ Đào tạo dờp kơnòl mờ hơ mờ ồng Vũ Đức Đam là geh krà` cê jơh nùs rlau tai tàm broă sền swì jơnau kờ` ngan ngồn cau pơgru nàng jàu khà rwah cau bơsram tàm ală nam tus, kung bè bơyai lơh bơto pơlam bè ală cau pơgru jơngkah nàng ală cau pơgru in geh broă lơh dipal tàm hìu bơsram.

Ồng Vũ Đức Đam sồr Bộ Giáo dục mờ Đào tạo sền swì bơta kờp bal cồng nha ală hìu bơsram lơh pơgru tàm ală tiah; mhar kờp sền, sền swì wơl dipal bơta geh ngan cau pơgru tàm gùt lơgar nàng gi\t, tiah lơi jơngkah, tiah lơi gam ờ tơl kờ` geh gùng dà broă lơh bơto bơtê dipal tàm tơngai tus, pleh hoàc hươr pơhì pơhà ai mpồl bơtiàn in.

Cau cih mờ yal tơngi\t- Lơ Mu K’Yến