VOV4.K’ho – Mho òr, 16/6, tàm Văn phòng Chính phủ, Phó Thủ tướng Vũ Đức Đam wă 32 nă cau là kòn cau ling chơt màng dê gam lơh broă tàm kơnhoàl Đại Lộc, càr Quảng Nam. Phó Thủ tướng Vũ Đức Đam đơs tờm: Đảng, Dà lơgar, Chính phủ sùm sền gròi, tơlik uă broă lơh sền gròi rài kis phan bơna, nùs nhơm cau geh màng mờ dà lơgar in. Phó Thủ tướng đơs tờm: Chính phủ gam lơh ngan là dùl Chính phủ lơh broă, bơt bơtàu nàng dà lơgar bơtàu tơnguh pas, pràn kơldang rlau. Chính phủ kung pơnjat tai kờp sền, bơsong broă dong kờl tus mờ ală cau ling kòp tê jê să, hìu nhă cau geh màng mờ dà lơgar gơ in dipal rlau mờ ală bơta geh ngan tu\ do.

                Cau cih mờ yal tơnggit K’Duẩn