VOV4.K’ho - Mho òr (23/3), tàm hìu lơh broă Chính phủ, Phó Thủ tướng Vương Đình Huệ neh đơng lam dơ\ pơrjum mờ ală Bộ, gah lơh broă gơrềng bal kờ` cri bơyai ală broă lơh jăt broă ai càn priă lam sồr tơnguh bơtàu lơh sa suơn sre mờ công nghệ cao. Ồng Vương Đình Huệ sồr ală bộ, gah lơh broă pơn jăt tai lơh jăt nền nòn ală nghị quyết, jơnau đơs du\t ndơl bơh Chính phủ. Thủ tướng Chính phủ dê. Mờ jào Ngân hàng dà lơgar pơgồp bal mờ Bộ Nông nghiệp mờ Phát triển Nông thôn tus nggùl nhai 4 nam do, pal lơh gơs sră nggal bơto sồr lơh jăt. Đơng lam pơgồp bal mờ ală anih lơh broă gơrềng bal kờ` đơng lam ală ngân hàng thương mại, bơyai lơh ai priă lời lơh jăt priă ai càn lơh sa suơn sre mờ công nghệ cao, lơh geh cồng nha, gàr niam broă lùp đồs. Kuơ màng ngan, geh broă tơmù ală khà priă tă lơh kờ` geh ai càn ờ uă rơlao bơh 0,5 tus 1% jăt mờ priă cồng bè ờs. Ồng Vương Đình Huệ sồr ală Ngân hàng thương mại pal lơh loh làng, ndrờm bal ală khà priă ai càn jăt broă lơh.

Cau cih mờ yal tơng^t Ndong Brawl