VOV4.K’ho - Nam 2015, geh tơl^k 1 bơnàng jăk kuơ màng tus mờ ală càr Tây Nguyên dê tu\ rơndăp broă lơh pờ ơnàng, lơh niam wơl gùng Hồ Chí Minh-gùng 14 geh mu\t ngui. Gơl gùng lơh gơs, gơl gùng tòm kuơ màng ngan tàm Tây Nguyên dê geh lòt tus mờ ală càr đah jum măt tơngai l^k bè càr Bình Phước, càr Bình Dương, [òn dờng Hồ Chí Minh. Ờ mìng tơl^k gơs 1 muh măt pa bè gùng lòt, gơl gùng pa do gam pơgồp bal bơta pràn kờ` Tây Nguyên neh pràn bè ù tiah geh tơnguh bơtàu ngan.

Sơnđờm bơh tàm [òn drà Đak Tô, kơnhoàl Đak Tô, càr Kon Tum, lòt jăt đah jum mờ tus rềp bal mờ nhàr 2 càr Dak Nông mờ Bình Phước, gùng Hồ Chí Minh lòt gan Tây Nguyên jòng rơlao 600 kơi sồ, nam 2015 neh lơh gơs niam bè che bài bơtèr, lòt gan ală bă suơn cao su song niam, ha là lòt gan tàm ală brê nho geh săp ntas nha nho soàu niam mờ geh sùm tàm ală suơn kơphe mờ suơn tiêu.

Tàm nam 2015, tơnơ\ mờ uă dơ\ lòt tus [òn dờng Hồ Chí Minh, geh tu\ lòt còp kòn, geh tu\ lòt kham kòp, ồng Lý Văn Dũng, 57 sơnam, kis tàm [òn 1, sơnah [òn Trần Hưng Đạo, [òn dờng Kon Tum, càr Kon Tum g^t loh rơlao bơta kuơ bơh gùng dờng geh 4 gah rơneh lòt pa lơh gơs do: “A` là cau tàm do, a` sùm lòt gan tềng gùng do. Tàm ală nam lài, tu\ ờ hềt geh gùng Hồ Chí Minh den gùng do ờ niam ngan, làng bol lòt lơh broă ha là ală rơndeh pơn diang năc lòt rê kal ke ngan. Tu\ gùng Hồ Chí Minh do geh lơh gơs làng bol chờ hờp ngan, bơh ồs đèng àng tàm gùng tus mờ đèng ndai den tàm [òn ơm kis ndrờm geh tơl, ală bơta ndrờm geh ngui [uơn ngan làng bol in, bơh xăng jờu tus mờ broă lòt rê mhar”.

Gùng 14 là gùng lòt geh gal cau ngan tàm Tây Nguyên dê, mờ rơlao 6 rơbô dơ\ rơneh dờng mờ g^t nđờ rơbô dơ\ rơndeh ndai pah ngai lòt gan. Ờ mìng geh mởr jơh ală bơta phan tăc mờ lơgar ndai ndrờm geh lòt tàm gùng do, tus tàm ală anih ơhò ơm tàm [òn dờng Hồ Chí Minh, mờ geh uă làng bol, pah nam geh 2, 3 dơ\ lòt gùng ngài, mù tus [òn dờng Hồ Chí Minh còp cau pròc mhàm, blơi phan ha là kham sơm kòp. 1 nam gùng lơh gơs là 1 nam làng bol lòt rê [uơn niam, tềm pềr tơngai, 1 nam ală anih lơh sa kă bro pơn diang phan lơh sa geh cồng nha. Ồng Đặng Hữu Minh, gơnoar atbồ anih lơh sa kă bro bal 999, 1 tàm ală anih lơh sa kă bro pơn diang năc tàm [òn dờng Buôn Ma Thuột, càr Dak Lak pà g^t: “Gùng do lơh gơs, bơh tàm broă sền gròi anih lơh sa kă bro dê den ală dơ\ lòt rê rơndeh dê, den go\ geh cồng nha ngan. Lài do, rơndeh tă uă ngan priă blơi kong, den tu\ do priă kong rơndeh gơmù ngan di pơgăp 40%. Bè jờu kung gơmù 30%, mờ priă lơh niam wơl rơndeh kung gơmù di pơgăp 30% tai sơl”.

Ờ mìng ai tơl^k geh muh măt pa bè gùng lòt tàm Tây Nguyên, gùng Hồ Chí Minh ai rơndeh lòt gam là bơta pràn kờ` tơnguh bơtàu lơh sa. Tơnơ\ mờ tu\ gơl gùng do geh lơh niam wơl, ală anih lơh sa bơcri priă neh tus mờ Tây Nguyên uă rơlao. Tàm pơrjum tìp mờ bơcri priă tàm Tây Nguyên geh bơyai lơh tàm nhai 5/2015, ală càr Tây Nguyên neh hòi jà geh 13 rơndăp broă lơh dờng mờ khà bơcri priă rơlao 16 rơbô 600 tơmàn priă. Càr Kon Tum, do là càr lài do geh sền là càr gơtìp kal ke ngan bè broă lơh gùng lòt, sùm kal ke tàm broă hòi jà bơcri priă lơh sa, den tàm nam do, geh hòi jà tus 7 rơbô 700 tơmàn priă uă ngan tàm ală càr Tây Nguyên dê. Rài kis mờ gùng do lơh geh tai tus mờ broă lơh sa ală càr in geh tơl^k loh làng ngan bơh tàm broă tơnguh mhar ngan broă lòt rê tàm gùng. Ală anih lơh sa kă bro tàm Tây Nguyên, tàm càr Bình Phước, Bình Dương, [òn dờng Hồ Chí Minh neh bơcri priă, blơi tai uă rơndeh kờ` lơh jơh pràn gam geh tàm gùng do. Ồng Trần Việt Hùng, kuang jăt jơng atbồ mpồl đơng lam Tây Nguyên đơs là, khà hòi jà bơcri priă tàm Tây Nguyên nam 2015 là cơng tàng loh làng ngan tus mờ broă gơrềng bal niam bơh broă ai rơndeh lòt tàm gùng Hồ Chí Minh dê: “Broă ai rơndeh lòt do neh lơh chờ hờp ngan tus mờ ala anih lơh sa kă bro bal mờ làng bol mờ gơnoar atbồ ală càr Tây Nguyên geh gùng do lòt gan. Mờ ală anih lơh sa kă bro geh tus wơl ha là tus Tây Nguyên uă rơlao”.

Den ồng Phạm Ngọc Nghị, kuang atbồ anih duh broă làng bol càr Dak Lak đơs: “Bè broă lơh sa den ală phan kă bro geh gùng lòt [uơn niam rơlao, bơh tàm bơta do, den phan geh lơh bơh broă lơh sa suơn sre càr Dak Lak mờ Tây Nguyên dê đơs bal làng bol geh dờp kuơ, khà priă phan kă bro geh tơnguh mờ broă lòt rê kă bro bơh ală gơl gùng, rài kis làng bol geh tơnguh loh làng”.

Mờ càr Dak Nông, gùng Hồ Chí Minh lòt gan tàm ù tiah càr do geh lơh gơs mờ ai ngui kung kơ\p kờ` geh ală bơta niam, kơnờm tơnguh tă priă dà lơgar. Ồng Ngô Xuân Lộc, gơnoar atbồ anih lơh broă làng bol càr Dak Nông pà g^t: “Tàm nam 2015, càr neh hòi jà ală anih lơh sa kă bro bơcri priă tàm tơngu me pin dờn tàm gùng dờng do mờ neh hòi jà priă bơcri mờr 2 tơmàn đôlar. Bơdìh mờ ală rơndăp broă lơh dờng màng bè lơh sa mờ măy mo\k, den ală anih lơh sa kă bro ndai bè gah lơh sa suơn sre, brê bơnơm kung geh bal, neh mờ gam lơh tàm ală rơndăp broă kờ` tàm nam 2016 geh mu\t lơh broă ală rơndăp broă lơh dờng bè ròng phan mờ tam phan, bơh tu\ hơ\ kung tơl^k là, tă tàm kes priă càr geh tơnguh rơlao 1 rơbô tơmàn priă jăt mờ nam lài”.

Gùng dờng neh geh lòt, tàm nam sơnrờp neh ai tơl^k ală cồng nha lơh sa-mpồl bơtiàn loh làng ngan. Di gơlan geh tai uă tam gơl pràn rơlao tai tàm ală nam tus, tu\ gùng lòt niam geh dong kờl Tây Nguyên tơnguh ală bơta [uơn, bơta pràn Tây Nguyên dê.

        Cau cih mờ yal tơng^t Ndong Brawl