VOV4.K’ho - Tàm ntum Dak Nuê, kơnhoàl Lak, càr Dak Lak geh 1 nă cau pơgru ờ ngòt glar bòl, kòl yan kal ke, rơlao 30 nam bơto tàm tiah sar lơgar ngài, mờ nùs nhơm kơ\p kờ` geh bơto sră ală kơnòm dềt kis tàm tiah sar lơgar ngài in. Hơ\ là pơgru Y Luă Kmăn, bơto tàm hìu bơsram kai 1 Dak Sar, gơwèt hìu bơsram kai 1 Y Ngông Niê Kdăm, ntum Dak Nuê, kơnhoàl Lak, càr Dak Lak dê.

Jơh bơsram tàm hìu bơsram Trung học sư phạm Dak Lak nam 1985, pơgru Y Luă Kmăn, kòn cau Rơđê, geh ai tus bơto tàm hìu bơsram kai 1 Lý Tự Trọng, ntum Dak Nuê, kơnhoàl Lak. Ngai sơnrờp tus bơto, pơgru Y Luă neh dan tus bơto tàm [òn Dlây, do là hìu bơsram kal ke ngan mờ 100% khà kơnòm bơsram là kòn cau.

Neh g^t nđờ nam bơto tàm hìu bơsram gơtìp uă kal ke, broă bơto pơgru dê ờ mìng bơto sră ală kơnòm in, mờ gam g^t rài kis tus tơl ală kơnòm bơsram dê, bơsram bơtơl dà đơs kòn cau ndai, kờ` g^t mờ đềt mềr, tam pà bal mờ lam sồr ală kơnòm bơsram tus lòt bơsram, lam sồr ală cau mè, cau bèp in g^t tus mờ bơta kuơ bơh broă bơsram sră, bơh tu\ hơ\ geh ai tơl bơta niam ală oh kòn in tus lòt bơsram. Pơgru Y Luă Kmăn đơs: “Gùng lòt ngài mờ kal ke ngan, tàm hơ\ uă ngan là tàm kàl mìu, gùng mbè ntiar, cau pơgru tàm hơ\ kờ` lòt bơto di tu\ den pal pơyoa rơndeh Honda tềng hìu làng bol, mờ kơnòm bơsram tàm hơ\ den ờ wă jơnau cau pơgru tai, cau pơgru mờ kơnòm bơsram ờ tam wă bal, tài làng bol kis tàm do mìng là kòn cau Mông. Ală cau pơgru pơgồp bal mờ gơnoar atbồ tàm do, hơ\ sồng pơgồp bal mờ ală cau mè, cau bèp bal mờ cau pơgru kung pal bơsram wơl dà đơs kòn cau, mơya kung ờ wă uă sơl, mìng bơsram ală jơnau bè lam sồr ală kơnòm lơh ngan tus lòt bơsram”.

Hìu bơsram kai 1 Dak Sar geh 200 nă kơnòm bơsram, mờ 8 ơdu\ bơsram, ală kơnòm bơsram tàm do ndrờm là kơnòm bơsram kòn cau bơh tiah kơh bơnơm đah tô dà lơgar tus bè kòn cau Mông, Tày ntrờn ơm kis tus. Ală làng bol kòn cau tàm do ndrờm kis rah rài jăt jơng bơnơm, ngài mờ hìu bơsram g^t nđờ 10 kơi sồ, den tàng broă lòt rê kal ke ngan. Pơgru Y Luă pà g^t: Ờ ndrờm mờ tàm tiah ring, broă bơto tàm tiah kơh bơnơm tìp uă ngan kal ke, ală pơgru pal pơn dờm lài hơ\ sồng kơlôi tus broă bơto tơnơ\. Kờ` geh sùm khà kơnòm bơsram tus lòt bơsram, ală cau pơgru pal bơto pơlam sùm mờ tơl^k nùs nhơm kờ` gơboh mờ kơnòm bơsram. Mờ ală kơnòm bơsram sơbì bơsram, pơgru pal tus hờ hìu kờ` lam sồr, geh tu\ ală cau pơgru pal roh jơh 1 ngai lòt jơng hơ\ sồng tus. Pơgru Y Luă yal: “Geh uă kơnòm bơsram kờ` bơsì bơsram, tài rài kis hìu nhă kal ke ir, ală kơnòm bơsram kờ` ơm dong kờl mè bèp lơh broă, den tàng cau pơgru pal tus tơl hìu hơ\ sồng lam sồr ală oh lòt bơsram wơl, hơ\ sồng pah dơ\ lòt ờ tìp den pơgồp bal mờ gơnoar atbồ tàm [òn hơ\, go\ he lòt hòi jà uă bè hơ\ den du\t ndơl kơnòm bơsram kung g^t mờ lòt bơsram wơl”.

Kal ke, glar bòl là bè hơ\, mơya pơgru Y Luă ờ ngòt sơl. Tu\ do, bu\ lah neh 57 sơnam mờ neh geh 30 nam bơto, pơgru Y Luă gam đềt mềr mờ ală hìu bơsram tàm tiah sar lơgar ngài. Pa do, tu\ ntum Dak Nuê geh crơng gơs tai hìu bơsram kai 1 Y Ngông Niê Kdăm mờ 3 hìu bơsram, pơgru Y Luă Kmăn neh tus bơto tàm hìu bơsram ngài ngan, ngài mờ ntum rơlao 26 kơi sồ. Kơ\p kờ` geh dong kờl kơnòm dềt kis tàm tiah kal ke in g^t sră là bơta tòm lơh pơgru Y Luă sơlèt mờ ală kal ke hơ\: “Tu\ go\ ală kơnòm bơsram g^t sră, să tòm a` go\ chờ hờp ngan mờ iang nùs ngan tàm broă lơh, a` sền ală kơnòm bơsram kung bè kòn tòm a` dê, den tàng a` lơh ngan bơtê bơto ală kơnòm dềt, kờ` ală kơnòm dềt hơ\ kung geh bơsram sră, g^t sră kung bè ală kơnòm dềt kis tàm tiah ndai dê sơl”.

Nam pa do, hìu bơsram kai 1 Dak Sar sùm geh khà kơnòm bơsram tus lòt bơsram tơl mờ cồng nha bơsram sră ndrờm ngan tàm 3 hìu bơsram kai bơsram 1 Y Ngông Niê Kdăm dê. Pơgru Trần Văn Chính, gơnoar atbồ hìu bơsram kai 1 Y Ngông Niê Kdăm đơs: “Pơgru Y Luă ờ mìng bơto jăk mờ gam chài tàm broă lam sồr làng bol; sùm lam lài tàm ală broă lơh hìu bơsram dê, tam klăc, đềt mềr bal mờ ală cau pơgru, tơnguh sùm khà niam tàm broă bơto mờ bơsram hìu bơsram dê sơlơ ngai sơlơ tơnguh sùm”.

Uă nam tơn, pơgru Y Luă neh geh là cau pơgru bơto jăk hìu bơsram dê. Nhai 10 lài do, pơgru Y Luă geh rơwah là cau geh pơnrơ jăk kơnhoàl dê tus pơrjum dờng kờ` gơboh mờ dà lơgar càr Dak Lak dê. Mơya, pơgru Y Luă kơlôi, broă bơsram sră tus gùng tus dà kơnòm bơsram dê là bơta tòm lơh pơgru chờ hờp mờ gơboh gơbài ngan, là bơta phan kuơ màng ngan ngan rơlao jơh. Geh uă kơnòm bơsram pơgru dê tu\ do neh bơsram tàm hìu bơsram dờng, geh cau neh gơs là cau pơgru bal sơl: “A` chờ hờp ngan tu\ go\ kơnòm bơsram a` dê geh uă cau neh bơsram tus gùng tus dà bè hơ\, tài lài do là kơnòm bơsram a` dê, mơya tu\ do den geh cau neh gơs là cau pơgru bal, geh tu\ là cau bơto bal tàm 1 hìu bơsram, kơnòm bơsram kung geh cau lơh pơgru bơto kai 2, kai 3, geh cau neh lòt bơsram tàm hìu bơsram dờng mờ lòt lơh broă tàm tiah ndai”.

Ngai cau pơgru Việt Nam tus mờ pơgru tàm hìu bơsram kai 1 Dak Sar ờ geh bơta lơi kuơ màng, mơya ờ di bè hơ\ mờ ờ geh nùs nhơm chờ hờp. Pơgru Y Luă Kmăn bal mờ ală cau pơgru ndai tàm do gam pơgồp bal bơta pràn, bơta ngăc ngar kờ` drơng rài tơnơ\ do geh niam bơne\ rơlao tus mờ ală kơnòm dềt kis tàm tiah kơh bơnơm dê.

        Cau cih mờ yal tơng^t Ndong Brawl