VOV4.K’ho- Jat broă lơh, ngai hìng (24/3), dơ̆ pơrjum dut ndơl bơh Quốc hội khóa 14 dê geh mut lơh mờ kờp dŭ lơh broă tàm 12 ngai. Tàm hơ̆, uă ngan tŭ tơngai dơ̆ pơrjum geh lơh broă lơh kuang bàng. Quốc hội geh ai jơnau đơs bè jơnau yal broă lơh tơngai lơh broă khóa 14 bơh Quốc hội dê; tơngai lơh broă bơh nam 2016 tus nam 2021 bơh Chủ tịch lơgar, Chính phủ, Anih cah rơña jơnhua ngan rlau jơh dà lơgar, Viện Kiểm sát Làng bol jơnhua ngan rlau jơh dà lơgar, Kiểm toán dà lơgar. Bơdìh hơ̆ là sền sơwì ring bal Nghị quyết pơrjum dơ̆ 11, Quốc hội khoá 11; Adat rơcang sơndră ma túy (tam gơl).

Quốc hội geh bơyai lơh tơn jơh at gơnoar broă gơ wèt tus mờ Chủ tịch lơgar, ồng Nguyễn Phú Trọng, Thủ tướng Chính phủ ồng Nguyễn Xuân Phúc, Chủ tịch Quốc hội mò Nguyễn Thị Kim Ngân; mơkung pồ kuang bàng ala at ală gơnoar broă do mờ broă lơh đùh sră ndơp. Chủ tịch lơgar pa, Thủ tướng Chính phủ pa, Chủ tịch Quốc hội pa geh yal bơr guh at gơnoar broă tơnơ̆ tŭ geh Quốc hội pồ.

Cau mblàng K’Duẩn