VOV4.K’ho – Pơn jat tai poh lơh broă dơ\ bàr, pơrjum dơ\ dùl, Gơnoar ala mat dà lơgar kơnă XIV, ngai òr 25/7, Gơnoar ala mat dà lơgar pơrjum bal iat Anih duh broă sùm Gơnoar ala mat dà lơgar yal cồng nha cribơyai tàm mpồl mờ mblàng hơ, iat jơnau đơs tă pơgồp bơh kuang bàng Gơnoar ala mat dà lơgar dê bè rơcang kuang bàng pồ Kuang atbồ lơgar. Pơn jat hơ\, Gơnoar ala mat dà lơgar cri bơyai, dùl nùs ring bal Kơrnoat pồ Kuang atbồ lơgar; iat ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar ala mat Gơnoar atbồ lơgar tơngai lơh broă bơh nam 2011- 2016 sền Sră yal mờ Gơnoar ala mat dà lơgar in bè rơndăp tăp sèng mpồl kuang bàng bơh Gơnoar atbồ lơgar dê. Kung tàm poh do, Gơnoar ala mat dà lơgar cribơyai, dùl nùs bal ring bal Kơrnoat pồ Kuang gơs gơnăp gơnoar atbồ hơđang rlau jơh dà lơgar, Kuang jat jơng atbồ lơgar, Kuang atbồ Anih cah rơ`a jơnhoa hơđang rlau jơh dà lơgar, Kuang atbồ Anih sền gròi ai ngui kơrnoat boh lam jơnhoa hơđang rlau jơh dà lơgar; ring bal Kơrnoat sền sơ wì jơnau sồr bơh Kuang gơs gơnăp gơnoar atbồ hơđang rlau jơh dà lơgar dê bè broă pồ ală Kuang jat jơng gơs gơnăp gơnoar atbồ hơđang rlau jơh dà lơgar, ală Kuang atbồ gah lơh broă dà lơgar mờ ală kuang bàng ndai bơh Gơnoar atbồ lơgar dê; dùl nùs bal ring bal Kơrnoat sền sơ wì jơnau sồr bơh Kuang atbồ lơgar dê bè mat Kuang jat jơng atbồ lơgar mờ ală Kuang geh jơng tàm Mpồl duh broă sền gàr dà lơgar mờ lơngăp lơngai.

            Cau cih mờ yal tơngi\t- Lơ Mu K’ Yến