VOV4.K’ho - Ngai do (22/6), Gơnoar ala măt dà lơgar mu\t poh lơh broă du\t ndơl, pờ tê ring bal uă tơngu me kuơ màng. Lài ngan, gơnoar ala măt dà lơgar pờ tê ring bal adăt tơl^k sră nggal adăt boh lam. Cri bơyai tàm hìu pơrjum dờng bè rơndăp broă adăt tam gơl, bơtơl ờ uă bơta tàm adăt gùng lòt tàm dà lềng lơgar Việt Nam mờ rơndăp broă adăt kờp sền tam gơl. Kung tàm poh lơh broă do, Gơnoar ala măt dà lơgar pờ tê ring bal ờ uă adăt bè: adăt phan geh is, tiah kis dà lềng mờ bồt dà lềng; adăt kes priă dà lơgar tam gơl; adăt ờ do ờ dă, kloh niam lơh broă; adăt te\ khà Gơnoar ala măt dà lơgar mờ mpồl duh broă ala măt làng bol mờ pờ tê ring bal kơrnoăt bè gùng dà, broă bơcri priă lơh [làng rơndeh par dunia Long Thành; kơrnoăt k^ dan anih cah rơ`a dờng rơlao jơh dà lơgar bè broă pồ cau geh gơnoar tàm anih cah rơ`a dờng rơlao jơh dà lơgar; kơrnoăt bè broă sền gròi jăt broă lơh mờ kơrnoăt bè lùp mờ hơ jơnau lùp.

Cau mblàng Ndong Brawl