VOV4.K’ho- Ngai òr 25/8, càr Gialai bơyai lơh Pơrjum sền wơl bơh sơn rờp 10 nam lơh jat Kơrnoat sồ 13 bơh Dà lơgar V, kơnă IX dê bè pơn jat tai tam gơl pa, bơtàu tơnguh mờ tơnguh jơnhoa cồng nha lơh sa bal (2005- 2015). 10 nam do, ală mpồl lơh sa bal tàm càr Gialai neh sùm tam gơl pa gùng dà broă lơh mờ tă pơgồp kuơmàng tàm bơta bơtàu tơnguh lơh sa- mpồl bơtiàn bơh càr dê, ngan là tiah [òn lơgar. Jơh gùt càr tu\ do geh 119 mpồl lơh sa bal, bal mờ mờr 24 rbô nă cau tàm mpồl. Kờp jơh priă lơh geh bơh lơh sa kă bro tàm ală nam do bơh ală mpồl lơh sa bal dê geh rlau 905 tơmàn priă, tơm priă dia dà lơgar in rlau 30 tơmàn priă. Nàng bơtàu tơnguh lơh sa bal tàm tơngai tus, Gialai geh lơh pràn mblàng yal, tơnguh jơnhoa jơnau gi\t wa\ bơh làng bol dê bè gơnoar mờ kơnòl bơh mpồl lơh sa bal dê; chul chồl bơ\t bơtàu ală broă lơh lơh sa bal mờ rề ơnàng lơh uă ală broă lơh gơguh jak; ală gah sơnah lơh broă mờ ală tiah tàm càr sền gròi dong kờl mờ tă bơsong di tu\ bơta kal ke, kòl yan ai mpồl lơh sa bal in.

Cau cih mờ yal tơngi\t- Lơ Mu K’ Yến