VOV4.K’ho - Sơr lèt gan 2 dơ\ tam lơh ai ngap lơngai is jơi bơtiàn in, tơr gùm dùl dà lơgar mờ sền gàr dà lơgar, uă ngan kuang bàng, cau ling rê wơl mờ rài kis bè ờs. Tơl nă cau geh dùl rài kis krơi is, mơya ală cau ling yau ndrờm sơr lèt gan bòl glar kal ke, bơceh pa tàm broă lơh sa, kă bro; lơh pas dipal, dong kờl cau lòt ling bal brồ guh tơn jơh jơgloh tơmù rơbah. Jơnau đơs ngai do bol a` geh yal bè 1 tàm ală cau ling yau bè hơ\, hơ\ là mò Ngô Thị Dệt, ơm tàm bòn Thuận Hải, ntum Thuận Hạnh, kơnhoàl Dak Song, càr Daknông:

Rê ling bơh nam 1981, mò Ngô Thị Dệt geh 5 nam tus bal lơh sa suơn sre tàm [òn tờm là càr Hà Nam. Tus nam 1986, lơh jat rơndap broă lòt bơt bơtàu lơh sa pa, mò Ngô Thị Dệt mờ hìu nhă lik lòt bơh [òn tờm nàng tus [òn Thuận Hải, ntum Thuận Hạnh, kơnhoàl Dak Song, càr Daknông lơh broă. Tu\ hơ\, tiah do mìng geh nhơt chi mờ brê bơnơm ngài ngan. Ờ geh priă jền, ờ geh broă lơh, ùr bơklau mò sơn đờm kơlôi rơcang mờ rài kis tàm ù tiah pa. Mò yal: “ A` mut tàm do den bơh sơn rờp gam uă ngan bơta kal ke, dà lơgar pà 6 nhai phe sa nàng lơh suơn, lơh mìr. Nđờ nam pa mut lơh broă den priă ờ geh, brê bơnơm gam uă, phan brê gam uă den tàng tam phan kung gơtìp phan brê lơh aniai, kung ờ geh sơl. Hời rơ hời bol a` bơsong jat broă là ai lơyah ngai ròng jo\ ngai. Bơh ngai geh càn 4 tơlak priă den hơ\ sồng a` blơi sur, iar nàng ròng, lơh sa tơnơ\ do ờ huan kal ke den a` tam tiêu mờ tam uă chi tam jo\ ngai ndai.”

Sơr lèt gan ală kal ke bơh sơn rờp, bơh priă càn dà lơgar dê, ùr bơklau mò Ngô Thị Dệt sơn đờm mut lơh rơndap broă, ngui geh cồng nha ù tiah. Bơh sơn rờp ồng mò mut lơh jat rơndap broă “ Ai lơyah ngai ròng jo\ ngai” tam ală bơta chi tam lơyah ngai bè bùm blàng, khoah rơbài nàng tơnơ\ do geh priă sền gròi bơtàu tơnguh 2 bơta chi tam tờm ngan là kơphe mờ tiêu. Tơnơ\ hơ\ rơcang tam klac mờ ală hìu nhă cau ling yau kờ` mblàng, cribơyai broă lơh sa, bal mờ gơp lik klàs rơbah. Ồng Trần Văn Rong, bơklau mò Ngô Thị Dệt dê yal: “ Mut tàm do den bơh sơn rờp rài kis gam uă ngan kal ke, anih ơm, priă jền ờ geh. Tus tu\ do, bơh dùl tơngai lơh ngan den hìu nhă kung hời rơhời sơr lèt gan. Pơgap mờ do bơh 7 tus 8 nam den pơ ùr a` dê kung geh pồ lơh kuang atbồ mpồl cau ling yau. Den a` kung pơn jờng là he neh dờng sơnam, oh kòn kung neh dờng, den tàng ai khai tus bal srơh [òn lơgar dê mờ lam mut lơh ală srơh broă lơh.”

Bơh 1 lồ ù geh rồ nàng tam kòi bơh sơn rờp, tus tu\ do mò Dệt neh geh suơn dờng geh 13 lồ ù tam kơphe, tiêu, tơnau ròng ka, ròng phan. Tu\ do, pah nam tơnơ\ mờ tu\ kờp jơh priă jền lơh broă, hìu nhă mò geh cồng rlau 500 tơlak. Mờ broă lơh sa suơn, tơnau, wàng ròng phan geh mò Dệt rề ơnàng jat rơndap broă phan lơh gơs geh bơta niam uă, rềp mềl mờ tiah kis, den tàng neh lơh geh bơngă pin dờn tàm drà kă bro. Hơ\ kung là bơta dong priă cồng lơh geh hìu nhă dê nam tơnơ\ jơnhua rlau mờ nam lài, ai geh broă lơh uă cau lơh broă là cau tàm mpồl, oh kòn cau ling yau in mờ priă lơh geh kơ\ kơljap.

Ờ mìng lơh sa jak, mò Ngô Thị Dệt gam sùm tơnguh nùs nhơm tàm dong kờl cau lòt ling bal mờ làng bol tàm [òn bơtàu tơnguh lơh sa hìu nhă. Mìng is hìu nhă mò neh ai is 800 thơk kơre ù nàng lơh gùng lòt. Mờ bơta lơh ngan he dê, mò Ngô Thị Dệt neh pơgồp bơnah tờmu ală kal ke cau tàm mpồl cau ling yau đơs is mờ làng bol tàm ntum đơs bal. Ồng Trần Văn Lợi, kuang atbồ mpồl cau ling yau ntum Thuận Hạnh đơs: “ Mò Dệt neh ai is ù [òn in nàng lơh gùng lòt bơt bơtàu [òn lơgar pa, mờ tàm tu\ lơh gùng, mò gam tru\ piang làng bol in sàu sa nàng jai lơh gùng. Mò sùm lam sồr oh mi tàm mpồl cau ling yau tàm [òn lơgar, mpồl đơng lam, pơlam ală mpồl tàm [òn ndai in nàng bal mờ gơp bơtàu tơnguh [òn lơgar pa, dong kờl bal mờ gơp nàng mut lơh broă tơn jơh jơgloh tơmù rơbah.”

Pơn rơ jak brồ guh sơr lèt gan jơgloh rơbah mờ jơh nùs dong kờl [òn lơgar bơh mò Ngô Thị Dệt dê neh geh gơnoar atbồ ală kơnă cih dờp mờ uă sră jờng rơ tàm srơh tơn jơh jơgloh tơmù rơbah. Mơya gơ wèt mờ mò, bơta chờ hờp ờ mìng tàm broă lơh pas dipal, mờ gam là ai geh broă lơh, tơnguh priă lơh geh cau tàm [òn lơgar in, dong làng bol tiah do git broă lơh sa, brồ guh lik klàs rơbah.

                                                             Cau cih mờ yal tơnggit K’ Duẩn.