VOV4.K’ho- Ngai 22/12, Kuang bàng đơng lam Ủy ban Nhân dân càr Gialai bơyai lơh dơ\ tìp mat mờ 350 nă cau ala mat lài do là kuang bàng Mpồl ling klàng làng bol Việt Nam neh jơh sơnam lơh broă tu\ do rê ơm kis tàm càr. Ală cau ala mat neh bal mờ gơ\p yal wơl bơhiàn pơnrơ ngan bơh mpồl ling klàng dê. Ală cau ling, bulah neh jơh sơnam lơh broă, mơya kung gam lơh geh uă ngan broă kuơ ai mpồl bơtiàn, ai oh mi mờ ai cau lòt ling bal mờ he dê in.

Tus bal dơ\ tìp mat dơ\ do, ồng Vũ Ngọc Luyện, lài do là Pho\ Kuang atbồ chính trị Gah đơng lam mpồl ling klàng càr Gialai di tòm 70 nam. Jơh sơnam lơh broă tàm nam 2002, ồng pơn jat tai tơngo\ geh nùs nhơm bơh dùl nă sĩ quan ling klàng dê tàm broă lơh bơ\t bơtàu lơh sa tu\ sơrbac mhar đòm jat mờ ngui bơta jak chài tàm broă lơh sa sươn sre, lơh geh cồng nha mờ broă lơh tam tiêu, lơh geh priă jền kơ\ kơl jăp sùm rlau 1 tơmàn priă pah nam. Ồng kung lơh ngan bơto yal jơnau gi\t wa\, bơta mờng chài he dê ai oh kòn, kòn sau in, dong kờl uă cau tàm tiah ơm kis, lơh geh cồng nha bal mờ ală broă lơh sa sươn sre mờ geh pin dờn pồ lơh Pho\ Kuang atbồ Câu lạc bộ Mpồl cau ling yau lơh sa kă bro jak càr Gialai. Ồng Vũ Ngọc Luyên, đơs bè do:

“Bơh mờng chài tàm rài kis geh ngan a` lơh sa den kung lơh geh tơl ală bơta dong kờl làng bol, hơ\ sồng kung cribơyai tàm yal tơngi\t bal bơta mờng chài mờ ală cau tàm mpồl cau ling yau nàng lơh sa tàm tiah ơm kis, trồ tiah, ù tiah lơi gơ in dipal mờ tờm chi tam lơi, phan ròng lơi. Tàm yal tơngi\t bal jơh nùs ngan mờ gơ\p den kung neh dong ală cau tàm mpồl cau ling yau mờ làng bol bơtàu tơnguh lơh sa, ngai sơlơ sơrlèt gan kal ke lơh sa mờ gơ gơs pas sơm”.

Tus bal dơ\ tìp mat do gam geh ồng Vũ Hồng Sáu, lài do là Pho\ Kuang atbồ Mpồl dong broă Gah đơng lam mpồl ling klàng càr Gialai- Kontum (lài do) lơh wơl uă cau ala mat gơlơh ngoh rơngac ngan, tu\ tàm sùm ală nam jơh sơnam lơh broă, neh ngềt ngơ\t lòt làm gùt ù tiah tam lơh tàm Tây Nguyên nàng jòi [ồc ntìng cau ling chơ\t màng. Bàr jơ\t pram nam lòt jòi sùm, ồng Sáu neh jòi bàn mờ ntrờn geh kờp jơh là 71 [ồc ntìng cau ling chơ\t màng, jun rê hờ [òn tờm. Bè broă lơh mờ ồng gam lơh, ồng Vũ Hồng Sáu, pà gi\t:

“Kơnă hơđang bơh a` dê kung neh phi să, gơ\p bơyô a` dê kung phi să sơl, kơnă hơđơm a` dê kung chơ\t phi să sơl. Phi să tàm rài tam lơh dờng bòl glar kal ke ngan bè hơ\. Bèp ngài mờ kòn, pơ ùr ơm ngài mờ bơklau. Geh bơh ală nùs nhơm jrô ơnàng hơ\ den a` lòt jòi oh mi. Tu\ do sơnam neh dờng, să jan ờ gam pràn tai mơya a` kung gam lòt jòi sơl. Cau kung gam jà a` lòt jòi den a` kung rơcang lòt jòi sơl; lòt mờ hìu bơnhă cau pròc mhàm tơm mờ jơh ală bơta lơi. Gam pràn là a` gam lòt!”.\

Gialai tìp mat cau ling yau

Lơh jat nùs nhơm Cau ling Wa Hồ dê, rê mờ rài ring lơngai, ală cau ling yau tàm Gialai kung gam jơh nùs ngan tus bal bơ\t bơtàu Đảng, bơ\t bơtàu gơnoar atbồ tàm tiah he ơm kis. Bal mờ hơ\, uă cau ling yau sùm tus bal ală dơ\ boh bơr đơs bè bơhiàn kah yau tàm ală hìu bơsram. Tu\ do, jơh gùt càr geh rlau 2 rbô mpồl lơh sa kă bro, anih lơh sa sươn dờng, anih ròng uă phan ròng bơh cau ling yau dê atbồ, lơh geh broă lơh broă sa ai gi\t nđờ rbô nă cau in. Bơh ală kòn bơnus mờ puăc mờ să ngan ngồn, broă lơh ngan ngồn, ală cau ling wa Hồ rài yau kung gam pơn jat tai đơs tờm jơnau sơn tơm să tềng đap bùng bi Đảng: Kơnòl broă lơi kung lơh gơs, kal ke lơi kung sơr lèt gan. Ồng Hoàng Xuân Khoát, Pho\ Kuang atbồ Mpồl cau ling yau càr Gialai pà gi\t:

“Cau ling yau càr Gialai dê tàm rài tam lơh kung neh phi să tàm tiah tam lơh tàm broă lơh tơngklàs jơi bơtiàn. Tàm rài kis ờs mờng pah ngai tu\ do, uă cau ling yau khin cha lòt lơh broă tàm tiah ờ geh săp ntas cuh phàu nàng lơh sa jak, lơh pas dipal ai hìu bơnhă mờ să tờm in. Jat tàm bơta hơ\ neh lơh niam nùs nhơm tam klac bal, lơh broă nùs nhơm dong kờl bal, dong bal ală cau tàm mpồl cau ling yau, ală hìu bơnhă gam kal ke. Ală oh mi kung gam pơn jat tai lơh jat niam gơnoar broă să tờm, mờ bơhiàn cau ling wa Hồ dê tàm tu\ tơngai tu\ do”.

Cau cih mờ yal tơnggi\t- Lơ Mu K’ Yến