VOV4.K’ho- Tơngkah 90 nam Ngai crơng gơs Đoàn Ơruh pơnu Cộng sản Hồ Chí Minh (26/3), drim ngai 10/3, tàm Hà Nội, Đoàn Ơruh pơnu Cộng sản Hồ Chí Minh dà lơgar pơgồp bal mờ Ban Tuyên giáo dà lơgar, Học viện Chính trị dà lơgar Hồ Chí Minh bơyai lơh pơrjum khoa học pờ tơlik tơn tàm internet “90 nam đơs nền mờ tơnguh gơnoar broă hìu bơsram xã hội chủ nghĩa bơh ơruh pơnu Việt Nam dê”.

Bí thư Đảng dà lơgar, Kuang atbồ Ban Tuyên giáo dà lơgar, ồng Nguyễn Trọng Nghĩa neh tus bal. Đơs nền ală tă pơgồp bơh Đoàn Ơruh pơnu Cộng sản Hồ Chí Minh dê tàm 90 nam do tàm broă tề lam, ai tơlik lài gùng dà, brồ guh ơruh pơnu Việt Nam, ồng Nguyễn Trọng Nghĩa đơs nền, Đoàn Ơruh pơnu Cộng sản Hồ Chí Minh dà lơgar pal tơrgùm jơnau đơs, lơh bơnàng jă kơ lôi sơnơng, bơto bơtê, pơlam kuang bàng đoàn mờ geh broă lam lơh dipal mờ bơta geh ngan bơh tơl tiah, tơl mpồl dê tàm tơngai tus.

Cau mblàng K’Duẩn