VOV4.K’ho- Mho ngai 1/10, Đảng ủy khối ală anih lơh broă dà lơgar bơyai lơh pơrjum Ban Chấp hành dơ\ 23 ai jơnau đơs tàm ală rơndap cih Sră nggal mờ rơndap broă lơh kuang bàng yal mờ dơ\ Pơrjum dờng cau ala mat Đảng bộ khối ală anih lơh broă dà lơgar dơ\ 13, tơngai lơh broă bơh nam 2020-2025.

Pơrjum dờng digơlan geh lơh tàm 3 ngai bơh ngai 27, 28, mờ 29/10 tus do. Ring bal mờ 6 kơnòl broă tờm kuơ màng mờ 3 broă lơh bơtàu tơnguh tàm rơndap cih ală sră nggal yal mờ dơ\ Pơrjum dờng cau ala mat Đảng bộ khối ală anih lơh broă dà lơgar dơ\ 13, ală cau ala mat sồr pơn jat tai tơnguh broă bơt bơtàu Đảng bè chính trị; sền dờng màng bơt bơtàu Đảng bè bồ tơngoh; tơrgùm bơt bơtàu Đảng bè nùs nhơm; lơh pràn lơh jat Nghị quyết dà lơgar 4 khoá 12 mờ Chỉ thị sồ 05 bơh Bộ Chính trị dê, tam dră, kơryan geh cồng nha bơta ờ niam bè bồ tơngoh chính trị, bè rài kis, ală bơta tơngo\ “lơh gơlik is”, “tam gơl is tàm dơlam”. Tàm 3 tơngume bơtàu tơnguh bơh tơngai lơh broă pa dê, ală cau ala mat ndrờm đơs là pal tơr gùm ai broă lơh kuang bàng in.

Cau mblàng K’ Hạnh