VOV4.K’ho - Ngai òr (29/02), dơ\ pơrjum bơh anih duh broa\ bal dơ\ 7 bơh anih  lơh broa\ jơnau đơs Việt Nam mờ anih duh broa\ git gơp cau dê bal Thái Lan geh lơh tàm Hà Nội. Tus bal geh ồng Vũ Hải kuang jat jơng atbồ  anih lơh broa\ dờng jơnau đơs Việt Nam mờ ồng Charoon Chaisorn kuang jat jơng atbồ anih duh broa\ git gơp cau dê bal Thái Lan.

            Đơs tàm dơ\  mut pơrjum, ồng Vũ Hải đơs tờm,  pa do, ala\ kuang bàng ASEAN neh ky\ bal tàm jơnau yal bal geh ai go\ pơrya rài kah yau tus broa\ crơng gơs Mpồl bơtìan ASEAN. Broa\ gơ gơs mpồl bơtìan ASEAN geh chul chồl bơta git wa\ rlau tai bơh 2 lơgar mờ làng bol bơh 2 lơgar lơh geh bơta ring bal tus broa\ tam klac tơl bơta, tàm hơ\ geh broa\ lơh tàm gah jơnau yal tơnggit bal. Tơnơ\ dơ\ pơrjum bơh anih  lơh broa\ bal dơ\ 6 tàm Bangkok, Thái Lan, anih lơh broa\ jơnau đơs Việt Nam mờ anih duh broa\  git gơp cau dê Thái Lan neh geh ua\ ngan bơta tam klac bơh 2 gah. Dơ\ pơrjum anih lơh broa\ bal dơ\ 7 nàng geh sền wơl cồng  nha bơh broa\ lơh tam klac tàm ala\ nam do mờ kung geh cri bơyai broa\ lơh bal tàm ala\ nam pơnjat tai.

                   Cau cih mờ yal tơnggit K’ Brọp