VOV4.K’ho- Tơnơ\ dơ\ sơn đờm mut pơrjum tơn, ồng Nguyễn Xuân Phúc Thủ tướng Chính phủ neh đơng lam Pơrjum kuang bàng dờng màng mpồl ASEAN dơ\ 37 mờ bơta tus bal bơh Kuang đơng lam bồ ală lơgar mpồl ASEAN mờ Tổng thư ki\ ASEAN. Pơrjum neh ring bal ua\ sră nggal kuơ màng, tàm hơ\ geh ua\ jơnau đơs bơh lơgar Chủ tịch Việt Nam mờ geh ală lơgar tàm mpồl ASEAN mờ ală cau lơh broă bal dùl nùs bal, ală kuang đơng lam bồ ASEAN dùl nùs ring bal đơs niam đah ală dơ\ lam lơh ală broă rơndap lơh bal Mpồl ASEAN nam 2025 dê, ai jơnau yal bơr bal Hà Nội bè bơta wèt sền Mpồl ASEAN tơnơ\ nam 2025, lơh broă kờp sền wơl lam lơh Hiến Chương ASEAN, pơgồp bal bơtàu tơnguh tiah dềt mờ lơh broă bơtàu tơnguh bal bơh mpồl ASEAN dê mờ lơh ală jơnau bơceh lơh tơnguh ua\ rùp să, bơta niam chài ASEAN tàm tiah do dê.

Ồng Nguyễn Xuân Phúc Thủ tướng Chính phủ đơs nền bơta kuơ  dờng màng bơh dơ\ pơrjum kuang bàng dờng màng do dê, sền g^t do là dơ\ nàng mpồl ASEAN lơh sir jơh ală broă lơh, jơnau bơceh lơh neh lam lơh bơh bồ nam tus tu\ do, mơ kung ai tơlik gùng dà broă lơh lơh broă bal tàm tơngai tus.

Tàm broă lơh ngan sơndră wơl bal mờ kòp dờng Covid-19, ală kuang bàng đơng lam bồ neh ring bal Tơngume bơtàu tơnguh wơl jơh ală bơta bơh ASEAN dê bal mờ Broă rơndăp lơh lam lơh, Jơnau yal bơr ASEAN bè Tơngume Jơnau ring bal Gùng kềng lòt rê ASEAN, Tơngume Broă lơh ASEAN bè ală jơnau digơlan gơlik geh lơh sơnơm mpồl bơtiàn jal mhar, ngan ngồn yal lơh Anih ơn prăp lài phan bơna sơnơm tơm bal jal mhar kơnhoàl ù tiah do mờ sồr ngui kes priă ASEAN sơndră wơl mờ kòp Covid-19 nàng dong kờl geh cồng nha ală jơnau kờ` tam dră wơl mờ kòp bơh kơnhoàl ù tiah do dê, dùl nùs bal broă rơndăp lơh lơh Anih tờm kơnhoàl ù tiah ASEAN bè sơndră wơl mờ kòp mờ ală jơnau digơlan gơlik geh lơh sơnơm jal mhar.

Ồng Nguyễn Xuân Phúc Thủ tướng Chính phủ yal Việt Nam geh tă pơgồp 100 rbô dolar Mỹ tàm Kes priă sơndră wơl kòp Covid-19 mờ hơ tă pơgồp phan bơna măy mok lơh sơnơm tàm Anih ơn prăp lài phan bơna măy mok lơh sơnơm jal mhar kơnhoàl ù tiah do in mờ kờp priă là 5 tơlak dolar Mỹ.

Cau mblàng Lơ Mu K’ Yến mờ  K’ Hạnh