VOV4.K’ho- Mho ngai 02/02, tàm Hà Nội, ồng Mai Tiến Dũng Bộ trưởng, Kuang ătbồ Cơldu\ lơh broă Chính phủ đơng lam dơ\ pơrjum Chính phủ ờs mờng nhai 01 nam 2021. Hơ jơnau lùp bơh cau lơh báo dê gơrềng tus broă Chính phủ rơcăng blơi sơnơm vaccine rơcăng sơndră kòp Covid-19 nàng ci\t ai làng bol in, ồng Trần Văn Thuấn Thứ trưởng Bộ Y tế pà gi\t, Bộ neh ki\ bơta pal jăt nàng blơi sơnơm vaccine AstraZeneca lơgar Anh dê. Jăt mờ hơ\, tàm nam 2021, 30 tơlak ding sơnơm vaccine rơcăng sơndră kòp geh rê tus lơgar Việt Nam, gờ` ngan rlau jơh là qúy dùl do.

Sơnơm vaccine pa geh ngui ai ală cau ai lài in, tàm hơ\ geh: kuang bàng cau lơh sơnơm gơrềng tơn tus tam dră mờ kòp, cau dờng sơnam, cau geh bơta kòp jo\ sơnam pơhìn chơ\t să uă dilah bơtờp kòp Covid-19. Đơs tus bơta gơbàn kal ke bơh kòp Covid-19 dê tàm Hà Nội, ồng Trần Văn Thuấn, Thứ trưởng Bộ Y tế đơs là: Hà Nội pal tam gơl broă lơh, tơnguh ală broă lơh tam dră mờ kòp jơnhoa rlau dùl khà, lơh jăt jơnau sồr ơm yah ngài mpồl bơtiàn jăt Chỉ thị sồ 16 halà ba` tơrgùm gal ir cau jăt Chỉ thị sồ 15, dipal ai tơl tiah geh pơhìn bơtờp kòp uă in.

Cau mblàng Lơ Mu K’Yến