VOV4.K’ho - Ngai òr (30/5), tàm [òn dờng Buôn Ma Thuột, càr Dak Lak, Bộ Nông nghiệp mờ Phát triển Nông thôn neh bơyai lơh pơrjum bè kơrnoăt kă bro khăt gơboh bơh lơgar Việt Nam mờ mpồl tam klăc châu Âu (EU), bơta niam mờ kal ke tus mờ gah lơh sa suơn sre.

Tàm pơrjum, ala măt kuang bàng mpồl tam klăc châu Âu tàm lơgar Việt Nam neh yal bè kơrnoăt kă bro bơh lơgar Việt Nam mờ mpồl tam klăc châu Âu mờ broă gơrềng bơh bơta do tus mờ gah lơh sa suơn sre lơgar Việt Nam dê. Cục tăc mờ blơi phan mờ lơgar bơdìh gơwèt Bộ Công thương neh yal kơrnoăt tòm tus mờ mpồl phan kă bro geh lơh bơh broă lơh sa suơn sre tàm kơrnoăt kă bro lơgar Việt Nam mờ mpồl tam klăc châu Âu.

Ala măt Bộ Nông nghiệp mờ Phát triển Nông thôn kung neh yal ală broă lơh niam ờ do ờ dă tàm phan sa mờ sền gròi kòp tàm phan tam tu\ tus bal mờ drà kă bro châu Âu dê. Pơrjum do neh hòi jà broă sền gròi bơh uă anih lơh sa kă bro phan geh lơh bơh broă lơh sa suơn sre dê. Do là dơ\ kờ` ală anih lơh sa kă bro tàm càr Dak Lak geh tai jơnau tơng^t mờ broă mờng chài bơh kuang bàng ala măt mpồl tam klăc châu Âu tàm lơgar Việt Nam kung bè ală cau jăk chài tam pà bal broă ngui jơh ală bơta niam geh kơrnoăt kă bro bơh lơgar Việt Nam mờ mpồl tam klăc châu Âu cèng tus tàm gah lơh sa suơn sre in.

Cau cih mờ yal tơng^t Ndong Brawl